Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Rubiales ye un municipio de la provincia de Teruel, situau en la comarca de la Sierra d'Albarracín. La suya población ye de 52 habitants (2017), en una superficie de 27,74 km² con una densidat de 1,9 hab/km².

Rubiales
Municipio d'Aragón
Entidat
 • País
 • Provincia
 • Comarca
Municipio
 Aragón
 Teruel
Sierra d'Albarracín
Partiu chudicial Teruel
Superficie 27,74 km²
Población
 • Total

42 hab. (2013)
Altaria
 • Meyana

1167 m.
Distancia
 • 22 km

enta Teruel
Alcalde José Antonio Soriano Garzón
Codigo postal 44121
Coordenadas
Rubiales ubicada en Aragón
Rubiales
Rubiales
Rubiales en Aragón

Toponimia editar

Lo toponimo Rubiales significa en castellano "tierras de color royo",[1] presenta un sufixo -al en plural, ye cognato de l'aragonés royals y s'achusta la situación d'esta localidat, en bel meyo de lo rodeno que bi ha en la versant este de la Sierra de Penya Redonda. Las primeras mencions son variants de Rodenales, y dende mitat de lo sieglo XIII apareixioron mencions como Rubiales u Ruviales.

En la versión orichinal latina de lo "Fuero de Teruel" (1177) se cita como Roenales:

et ad fontem de Canegrali et ad Roenales et ad talayam Sancte Marie de Albarracino

En lo "Fuero romanz de Teruel" se diz Rodenales a la muga que bi ha entre Fuent de Cannegral y la Talaya de Santa María de Albarracín:

a Bexix et ad Alpuent, et ixe a Pie de Mulo et a la Fuent de Cannegral et a los Rodenales et a la talaya de Santa María de Albarazín, et toma al Poyo de Sant Genés.

En la versión de lo sieglo XVI de lo fuero de Teruel se nombra a un Roeuales como una de las mugas, que ye entre Fontem de Canegrali y Talayam Sancte Maria de Albarracin, pero dimpués lo nombran Ruuiales como una de las aldeyas de Teruel.

ad Vexix, ad Pontem, ad pedem muli, ad fontem ad Canegrali, ad Roeuales, ad Talayam Sancte Maria de Albarracín, redunt ad Podium Santi Genesii

La primera mención como Rubiales ye de 1247,[2] cuan Chaime I confirmó la división de los termins de Villel:

et ab ista fovea Bellida usque ad sumitatem campi qui vocatur campello aliagoso, et a dicta sumitate dicti campelli aliagosi directe usque ad sumitatem focis que vocatur de Chartera; et a dicta sumitate dicte focis de Chartera directe eundo usque ad fundum loci qui vocatur Ruviales; et a dicto fundo de Ruviales, sicut vadit via publica de Tormon et vadit directe ad villarem de la Meca, et ab isto villare de la Meca directe eundo usque ad sumitatem cuiusdam pini qui vocatur pinus mocho,...

La forma Rubiales tiene equivalents en atras parz de la Peninsula Iberica (Rubiales, San Martín de Rubiales y Parada de Rubiales), y se pueden documentar ya de lo periodo andalusí, (cuan en la cuenca de Duero bi heba un hisn Rbyls u Rubiyalis). Antonio Gargallo Moya considera que Rubiales ye un toponimo anterior a la reconquiesta en base a la comparanza con este zaguer toponimo documentau en las fuents andalusís pa la cuenca de Duero.[3] Ramon Menéndez Pidal observó que en los elementos romances de lo latín medieval de Leyón y Castiella las primeras formas derivadas de RUBIU y RUBIA seguiban la lei fonetica que daba royo y roya, que estas formas patrimomials son relativament tardanas, y que desapareixioron mayoritariament de la toponimia (Cueuas Rruyas desapareixió y quedó como Covarrubias; Gonzalo de Berceo escribiba Monte Ruyo pa fer mención de lo lugar riojano de Monterrubio). La eliminación de la forma patrimonial por la cultismos no se produció mayoritariament en Aragón, ni tampoco en Burgos, Soria y La Rioja,[4] por lo que ye común la existencia de toponimos formaus con royo y roya, y microtoponimos con la palabra derivada royal.

Bi ha microtoponimos curiosos como Los Vagos, El Panombrí, El Picarcho, Las Clochas, Loma Clafizar y El Morrón.

Cheografía editar

Rubiales ye situau chunto a la Rambla de la Chartera, a l'este de Sierra de Penya Redonda, en lo suyo semontano.

Mugas editar

Lo suyo termin municipal muga con Teruel, Bellestar, Villel, Tramacastiel, con un cantón de Tormón, y con una manga de lo termin d'Albarracín correspondient a Las Casiellas de Bezas.

Historia editar

Rubiales estió una aldeya de la Sexma d'el Campo de Cella adintro de la Comunidat d'aldeyas de Teruel. Fació tamién part de la Sobrecollida de Mont Albán. Por lo menos dica 1711 tenió la categoría d'aldeya, manimenos en 1785 prenió la categoría de lugar[5].

En 1646 perteneixeba a la vereda de Mont Albán. Dende 1711 dica 1833 fació part de lo correchimiento de Teruel[5].

Demografía editar

Evolución demografica
2012 2013 2014 2015 2016 2017 2018 2019 2020
- - - - - 52 - - -

2021 2022 2023 2024 2025 2026 2027 2028 -
- 43 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración editar

Reparto de concellers editar

Eleccions municipals
Partiu 1979 1983 1987 1991 1995 1999 2003 2007 2011
Partido Popular 2
Partido Aragonés 1
Total 3

Alcaldes editar

Lista d'alcaldes
Lechislatura Nombre Partiu politico
19791983 Gregorio Martín Martín UCD
19831987
19871991
19911995
19951999
19992003
20032007
20072011
2011-2015 José Antonio Soriano Garzón PP

Puestos d'intrés editar

  • Ilesia de l'Asumpción, sieglo XVIII.
  • Ermita de Sant Roque.
  • Ermita de Santa Barbara.
  • Ermita de Sant Cristóval.

Fiestas editar

  • 15 y 16 d'agosto.

Referencias editar

  1. (es) Roberto Faure, María Asunción Ribes, Antonio García: Diccionario de apellidos españoles. Espasa-Calpe, 2009, pp 664.
  2. (es) Ubieto Arteta, Agustín: Toponimia aragonesa medieval, Editorial Anubar, Valencia, 1972.
  3. (es) Antonio Gargallo Moya: El Concejo de Teruel en la Edad Media volumen I. Instituto de Estudios Turolenses, 1997, pp. 84-85.
  4. (es) Ramón Menéndez Pidal: Orígenes del español: El estado lingüístico de la Península Ibérica hasta el siglo XI. Espasa-Calpe, Madrit 1980 9ª edición, p 264.
  5. 5,0 5,1 (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. pp 1179-1180.