Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Rote Grütze
Rødgrød

Rote Grütze con crema de vainilla
Atras denominacions
Rode Grütt
Orichen cheografico
Cocina: Gastronomía alemana y danesa
Orichen: Alemanya
Dinamarca
Se mincha en: Schleswig-Holstein y Dinamarca
Elaboración
Ingredients: Almidón de trunfa, chordons, zresas y zucre

Rote Grütze (en alemán), rode Grütt (en baixo alemán) u rødgrød (en danés /ˈʁœðˀɡʁœðˀ/) ye un plato dulce de fruita tipico de Dinamarca y Alemanya. O nombre d'o plato en danés ye dificil de ta os no nativos, ya que contiene sonius que no son guaire fácils de pronunciar, asinas a frase 'rødgrød med fløde' (rødgrød con crema) ye un shibboleth tipico.

O grød u Grütze se fa tradicionalment con salvado, como indica a segunda parola d'o nombre en danés, alemán u baixo alemán.[1][2] En bellas recetas caseras se fa servir tamién semola u sagú; encara que l'almidón de trunfa ye hue o ingredient mas enplegato ta conseguir a suya textura de pudding de chelatina. Os ingredients principals son chordons, encara que se meten tamién a vegadas rosiellas, arayons, fragas, y zresas. O tipico sabor se consigue nomas con os chordons y una chicota cantidat de aranyons, amás se i mete zucre ta intensificar o sabor. A cantidat de almidón u semola que cal meter-le pende d'o solido que queramos que quede, pero por un regular ye d'entre 20 y 60 gramos por kilogramo u litro de receta.

A preparación ye basicament a mesma que a d'un pudding: Se fan bullir as fruitas con zucre. A masa s'ha de deixar enfriar una mica ta que l'almidón se pueda disolver en o suco de fruita u en augua y se pueda remover sin deixar sin de grumos. Ta rematar cal tornar a fer bullir a mezcla entre un y dos menutos ta prencipie a chelatinización.

O rødgrød u rote Grütze se sirve calient u fredo como postre con leit, una mezcla de leit y vainilla con zucre, salsa de vainilla u nata.

Referencias editar

Vinclos externos editar