Romería
Una romería ye una fiesta d'orichen pagano romano y asimilata por lo catolicismo, que consiste en un viache u pelegrinache en carros engalanatos, carrozas, a caballo u a piet, que va ta lo santuario u ermita d'una virchen u un santo patrón de lugar, cuasi siempre en un parache de campo u montanya. A vegatas no cal que siga tot un viache, puet estar una fiesta que dure tot un diya, un maitín u una tarde.
La palabra romería bien de ROMERUS, los pelegrins que iban ta Roma, y que evolucionó ta "romeu" en aragonés medieval, convertindo-se en l'antroponimo "Romeu" y estas parolas perviven en l'apellito actual común en Aragón Romeo.
