Rechions culturals de Letonia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As rechions culturals de Letonia comprenden diversas arias de Letonia formalment reconoixidas como diferents d'a resta d'o país. Encara que belunas d'istas rechions son vistas simplament como culturalment diferents, atras han estau historicament partis de diferents países y s'han utilizau ta dividir o país ta fins administrativos, entre atros. A Constitución de Letonia reconeixe cuatre rechions diferents: Curlandia, Zemgalia, Letgalia y Livonia.[1]

Rechions culturals de Letonia con as ciudaz y lugars

Rechions editar

En bel caso, Curlandia y Zemgalia se combinan en una rechión. Ixo reflecta a división politica de Letonia entre 1629 y 1917, cuan Curlandia y Zemgalia yeran chuntas, por primera vegada como o Ducau de Curlandia y Zemgalia, posteriorment como Gubernación de Curlandia en l'Imperio Ruso, mientres que Livonia y Letgalia yeran politicament independients, tanto de Curlandia como una de l'atra.

Dende ista perspectiva, bi ha tres rechions: Curlandia (incluyindo Zemgalia y Selonia), Livonia y Letgalia. Ista división ya no ye d'uso común, pero se puet veyer en o escudo de Letonia y en o Molimento a la Libertat en Riga; os dos contienen tres estrelas, que perteneixen a Curlandia, Livonia y Letgalia, que s'unioron ta formar Letonia en 1918.

Referencias editar

  1. (en) Elections, Latvian Institute of International Affairs (LIIA). Valts Kalnins, octubre de 2001

Se veiga tamién editar


Rechions culturals de Letonia  
Curlandia | Letgalia | Livonia | Zemgalia (Selonia)