Puerto de montanya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo tracta sobre os puertos de montanya. Ta atros usos de «puerto», se veiga Puerto (desambigación).

Un puerto de montanya (d'o latín <PORTU) ye o puesto por a on que esnaviesa bella vía de comunicación, sobre una sierra u accident cheografico semellant, y mete en comunicación as dos baixants. A forma diminutiva d'a palabra puerto ye portiello (u portiecho en bellas zonas de l'Alto Aragón).

O puerto de Cotefablo, en o Pireneu aragonés, fa muga entre as comarcas de l'Alto Galligo y Sobrarbe.

Os puertos se solen trazar sobre un cuello u collau en a montanya, en aprofeitando lo paso mas fácil y a menor altitut entre as dos versants. En l'alta montanya, os puertos tienen a sobén rampas importants por toz dos u por belún d'os suyos costaus. Os puertos pueden clasificar-se seguntes o tipo de via que i esnaviesa; p. ex en puertos carreters cuan son carreteras u puertos ferroviarios en o ferrocarril.

Dada la suya orografía, os puertos (especialment os d'alta montanya) tamién son puestos a on que o viento puede concentrar-se y producir corrients intensas, por o cual l'orache i puede estar cambeadero y sorpresivo. Por ista razón no ye raro que sen considere puestos periglosos y que en muitas culturas s'invoque a protección d'os viachers dotando-los de simbolos u imáchens relichiosos.

Esquema tridimensional d'un puerto, en un cuello.

Toponimia

En aragonés existe una toponimia numbrosa relacionada con a palabra «puerto». Asinas, se puede citar como eixemplos:

• Sobrepuerto.
• Ultrapuertos.
• Somport.
• O Portalet.
• Aragüés de lo Puerto.

Se veiga tamién

• Puerto.
• Cuello (topografía).
• Portiello (desambigación).