Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Plampalacios (/plampa'laθjos/~/pɾampa'laθjos/) ye un lugar aragonés d'o municipio de l'Aínsa-Sobrarbe, en a comarca de Sobrarbe y a provincia de Uesca. Actualment se troba deshabitau.[1]

Plampalacios
Despoblau d'Aragón

Ilesia de Sant Bertolomeu
Entidat
 • País
 • Provincia
 • Comarca
 • Municipio
Despoblau
 Aragón
 Uesca
Sobrarbe
L'Aínsa-Sobrarbe
Partiu chudicial Boltanya
Población
 • Total

0 hab. (2010)
Altaria
 • Meyana

511 m.
Distancia
 • 106 km
 • 9 km

enta Uesca
enta L'Aínsa
Codigo postal 22395
Parroquial
 • Diocesi
 • Arcipestrau

Balbastro-Monzón
Sobrarbe-Ribagorza
Coordenadas
Plampalacios ubicada en Aragón
Plampalacios
Plampalacios
Plampalacios en Aragón

Plampalacios estió capital d'un municipio homonimo, dica que perdió l'achuntamiento cuan l'absorvió lo municipio de Cosculluela de Sobrarbe, en bel momento en o periodo intercensal 1842-1857.[2]

Cheografía editar

Plampalacios ye a 2 kilometros en sudeste de Cosculluela de Sobrarbe, a suya antiga cabecera municipal, en a valle d'o río Cinca.

Antigament yera bien comunicau porque aman d'os casars i pasaba la carretera tradicional de Balbastro ta l'Aínsa,[3] pero dende a inundación d'o pantano de Mediano, en 1969, a carretera fue desviada y o camín de Plampalacios quedó como un desbarro, cubierto por l'augua entibada. En l'actualidat, se i puede arribar por un camino que baixa dende Cosculluela de Sobrarbe, y con pior sender tamién dende Camporretuno.

Como a etimolochía d'o suyo nombre indica, Plampalacios ye en un plano debaixo de o tozal de Cosculluela, a on que a valle d'a Cinca forma ya lo cul, mas cantimplano, y a población disposaba de huerta con regano que se quitaba de lo río Cinca.[3]

Por a suya posición, aman d'o río, a Plampalacios lo expropión entero en os anyos 1960, pus heba de quedar inhabitable a consecuencia de a proximidat d'a lamina d'augua maxima de o pantano de Mediano. Cualques casas d'a localidat quedan inundadas en as anyadas que l'embalse ye mas alto, anque a diferencia de Mediano, l'augua nunca no cubre a población entera.

As casas fuén dinamitadas en a decada de 1990 ta privar o riesgo d'accidents. Se i conserva la ilesia parroquial, de Sant Bertolomeu, detada en o sieglo XVIII. Aman d'a población, anque a un poquet mas d'altaria y por ixo a salvo de l'entibo, i ha una ermita d'o sieglo XVII consagrada a l'advocación d'a virchen María, que se conoix como ermita de la virchen d'o Plano.

Toponimia editar

O toponimo «Plampalacios» se composa de dos lemas, prou evidents, que son «plan» y «palacio», con un significau intuible de «palacios -casas grans- en un plano»[4] u «plano de palacios». Manimenos, no i ha documentacions antigas de o nombre que no estase ya fosilizau en ista forma unida: Se troba como Plampalacios en o documento mas antigo que se'n tiene, que ye la suya aparición en o fogache de 1488[5]

Demografía editar

Evolución demografica
1362 f 1495 f 1842 1857 1860 1877 1887 1897 1900
- 27 82 - - - - - -

1910 1920 1930 1940 1950 1960 1970 1981 1991
- - - - - 51 - - -

2012 2013 2014 2015 2016 2017 2018 2019 2020
- - - - - - - - -

2021 2022 2023 2024 2025 2026 2027 2028 -
- - - - - - - - -

1362-1495: fuegos; 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Referencias editar

  1. (es) ACÍN FANLO, José Luis. Paisajes con memoria; Viaje a los pueblos deshabitados del Alto Aragón (7ª Ed.). Ed. PRAMES; Zaragoza, 2006. ISBN 84-8321-202-1
  2. (es) «Coscojuela de Sobrarbe» en a subpachina «Alteraciones de los municipios en los Censos de Población desde 1842» d'o Instituto Nacional de Estadística; consultada l'1 de mayo de 2011.
  3. 3,0 3,1 (es) MADOZ, Pascual. Diccionario geográfico-estudístico de España y Portugal (tomo VII). Madrid, 1827. Se'n puede consultar a versión dichitalizada en Google Books, aquí.
  4. (es) Índice de pueblos del Alto Aragón, el orígen de sus nombres. Por Manuel Benito Moliner. Consultau l'1 de mayo de 2011.
  5. (es) UBIETO ARTETA, Antonio. «Historia de Aragón: Los pueblos y los despoblados» (volumen 6). Anubar Ed. 1986. Se'n puede consultar un fragmento aquí.

Vinclos externos editar