Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pinus pinaster

Pinus pinaster
Dominio: Eukaryota
Reino: Plantae
División: Pinophyta
Clase: Pinopsida
Orden: Pinales
Familia: Pinaceae
Chenero: Pinus
Especie: P. pinaster
Pinus pinaster
Ait., 1789

A pinastra u pinastre/o (d'o latín <PINASTER[1]; cientificament Pinus pinaster (Ait. 1789)), tamién dita pin de vesque (per a suya producción de resina), ye una especie de pin d'o chenero Pinus, en a familia Pinaceae, natural d'a cuenca mediterrania occidental. Sen troba poblacions naturals cuasi que exclusivament en Portugal, Espanya, Italia, Francia, Marruecos y Archelia.

En Aragón no yera una especie guaire abundant (anque ye autoctona) dica que con os prochectos de repoblación forestal d'a primera metat d'o sieglo XX s'en emprencipioron a plantar grans extensions. Como ye un árbol que s'adapta bien a lo clima aragonés, y enantes se trobaba restrinchito per a presencia de carrascals y caixigars en a mes gran parte d'o territorio, se ye distribuito per gran parte d'a cheografía aragonesa en substitución d'ixas formacions de planifolios que ya en heban desapareixito. En cualques zonas d'a Comunidat Autonoma, como en Sobrarbe, o Sarrablo u en as sierras de Teruel, a pinastra fa parte d'extensas formacions chóvens (50-70 anyos d'antigas) que son produciu d'as repoblacions masivas en o sieglo pasato.

En a Peninsula Iberica, substituye a la «pinarra» Pinus halepensis en altitut (dillá d'os 200 m) y tamién en continentalidat, estando mes sofridera que no ixa especie con o frido y las chelatas d'hibierno.

A pinastra tiene as fuellas d'una color verda mes vitarisca que no en P. halepensis, anque la suya mida y lonchitut podesen fer-las pareixer. A crosta sole estar grisa anque la suya coloración en as zonas chóvens ye mes royisca que en altras especies de pins (treito, lochicament, d'o pin royo, Pinus sylvestris, que tamién abunda en Aragón). As pinyas, sin guaires particularidaz, son mes chaparretas que no en P. halepensis, y las flors mes que mes as femeninas, son amariellas u naranchencas prou visibles cuan son brostadas.

Imáchens editar

Vinclos externos editar

Referencias editar