Pico de ros Arnals

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pico de ros Arnals Pico de los Arnales
Pico de ros Arnals a la dreita, deseparau d'o pico de Pondiellos por o cuello de Sarrettes
Situación
Situación	Muga entre Sallent de Galligo y Pandicosa (Uesca)
Latitut	42° 46' 48.5 N
Lonchitut	0° 15' 21.3 W
Vértiz cheodesico	/0.pdf
Cheografía
Cordelera	Pireneu axial
Sierra
Macizo	Picos de l'Infierno
Altaria	3.001,37 m
Alpinismo
Primera puyada
Ruta mas fácil	Dende a Casa de Piedra en os Banyos de Pandicosa
Mapa

O pico de ros Arnals (en castellano Pico de los Arnales) ye una montanya de 3.001,37 metros que se troba en a provincia de Uesca (Aragón).

Toponimia

En aragonés un "arnal" ye un puesto a on viven as abellas. Por un regular os arnals se troban en zonas protechidas, por eixemplo baixo rocas, por lo que ye probable que bi'n hese en bel puesto amanau a ista cima y por ixo se le dició asinas. Un atro toponimo relacionau con iste mesmo animal en as montanyas pirenencas ye a punta de l'Abella (3.025 m).

Rota de puyada

O itinerario mas habitual sale d'o refuchio d'a Casa de Piedra a 1.635 metros d'altaria en os Banyos de Pandicosa. Dende aquí se puya entre pinars dica la Mallata Alta, endrezandose a val enta o norueste baixo o pico Pondiellos (2.917 m) y o Garmo Negro (3.051 m), habendo-se de puyar entre istos dos picos por o collau de Pondiellos.

En iste paso s'alufran en l'atra versant os ibons de Pondiellos (2.739 m) y se trescruza a versant occidental d'o pico Pondiellos ta plegar a o cuello de Sarrettes (2.831 m).

Dende aquí bi ha dos rotas. A fácil puya rodiando o barranco que se forma entre o propio pico Arnals y a punda de ra Nevera y dimpués por una ariesta rocosa. A dificil por l'ariesta sud.

Vinclos externos

• (es) En www.mendikat.net