Philae (sonda espacial)
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Philae yera un modulo d'aterrizada robotico de l'Achencia Espacial Europea que acompanyó a la nau espacial Rosetta dica que se deseparó pa aterrizar en a cometa 67P/Churyumov–Gerasimenko, diez anyos y ueito meses dimpués de partir d'a Tierra. O 12 de noviembre de 2014, Philae aterrizó en a cometa, pero recutió cuan os suyos arpons d'ancorache no se desplegoron y un propulsor disenyau pa mantener a sonda en a superficie no disparó. Dimpués de recutir en a superficie dos vegadas, Philae aconsiguió a primera aterrizada "toba" (no destructiva) en o nuclio d'una cometa, encara que l'aterrizada final y incontrolada d'o modulo d'aterrizada lo deixó en un puesto no optimo.
.png){kind=spacer}
Manimenos os problemas d'aterrizada, os trastes d'a sonda obtenioron as primeras imáchens d'a superficie d'una cometa. Varios d'os trastes en Philae facioron a primera analís directa d'una cometa, ninviando datos que serán analisaus pa determinar a composición d'a suya superficie.
O 15 de noviembre de 2014, Philae dentró en modo seguro, u hibernación, dimpués que as suyas baterías s'acotoloron a causa d'a reducción d'a luz solar. Os controladors d'a misión asperaban que a luz solar adicional en os panels solars podese estar suficient pa reiniciar o modulo d'aterrizada. Philae se comunicó esporadicament con Rosetta d'o 13 de chunio dica lo 9 de chulio de 2015, pero dimpués se perdió o contacto. A ubicación d'o modulo d'aterrizada s'identificó a unas pocas decenas de metros, pero no se veyió. Philae, encara que silenciosa, finalment estió identificada sin dandaleo, chitada de costau en una crepa profunda a la uembra d'una cingla, en fotografías presas por Rosetta o 2 de setiembre de 2016 cuan l'orbitador estió ninviau en orbitas mas cercanas a la cometa.
O conoixencia d'a suya ubicación aduyará a interpretar as imáchens que ninvió. O 30 de setiembre de 2016, a nau espacial Rosetta remató a suya misión en esclafar-se en a rechión Ma'at d'a cometa.