Panthera pardus saxicolor
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Panthera pardus saxicolor | |
|---|---|
 | |
| Denominacions populars | |
Leopardo persa, leopardo d'Anatolia, leopardo d'o Caucaso, leopardo caucasiano, leopardo de Sinaí
| |
| Estau de conservación | |
| Clasificación cientifica | |
| Eukaryota | |
| Animalia | |
Filo:
|
Chordata |
| Mammalia | |
| Carnivora | |
| Feliformia | |
| Felidae | |
| Pantherinae | |
| Panthera | |
| P. pardus | |
| P. p. saxicolor | |
| Descripción | |
Panthera pardus saxicolor
POCOCK, 1927 | |
| Distribución cheografica | |
 | |
Panthera pardus saxicolor ye una subespecie de leopardo (Panthera pardus) que habita en arias boscosas y de matullar entre Irán, Armenia, Azerbaichán y atros estatos d'Asia central. Se conoix mayoritariament como leopardo persa, anque poblacions concretas suyas han recibiu historicament atros nombres, como leopardo caucasiano u d'o Caucaso pa os que viven en ixa cordelera, leopardo d'Anatolia os que habitan en Turquía, u leopardo de Sinaí os zaguers eixemplars que queda entre Echipto y Israel.
estudios pormenorizatos han contrimostrato que todas ixas, que enantes s'heba considerato como subespecies diferents, no son si que poblacions relictas d'ista mesma subespecie; restas d'una distribución cheografica muito mayor. Actualment toda la subespecie ye en periglo d'extinción, con cualques d'ixas poblacions isoladas en periglo d'extinción inminent.
Descripción editar
O leopardo persa ye un leopardo de grans dimensions: bels 158 cm de largaria corporal mas 94 cm de coda y un peso que puya t'alto d'os 70 kg en muitos casos. Ye una d'as subespecies de leopardo mas grans, si no a mas graniza de todas.
A color de fondo en o pelache ye marrón grisosa, mas clara que en atras subespecies, con o pelo mas preto y cerrudo en l'hibierno. As tacas s'agrupan en forma de rosetas con una zona mas royisca en o centro. O suyo nombre cientifico fa alusión a la coloración mas clara que atros leopardos; «saxicolor» significa «de color de piedra» en latín.
Distribución cheografica editar
O leopardo persa viviba en tiempos historicos en una zona muit ampla d'Asia y Orient Meyo, dende Pakistán dica Turquía y dende Chordania dica Rusia. A persecución multisecular por a mano de l'Hombre, como ha gosato pasar con atras subespecies de leopardo y como gosa pasar con os grans carnivoros, lo ye lievato enta una situación de poblacions fragmentarias, dispersas, en os diferents países, con a extinción de multiples poblacions intermedias.
Poblacions y subespecies editar
O nombre cientifico Panthera pardus saxicolor se definió por primer vegada en 1927 a partir d'as poblacions que i heba en Irán. Paralelament, pa las poblacions que vivian en países d'a URSS, se definió Panthera pardus ciscaucasica. Investigacions modernas han demostrato que as dos subespecies son en realidat poblacions de a mesma y no se chustifica mantener a denominación P. p. ciscaucasica por estar un sinonimo de P. p. saxicolor.
Se sospeita que Panthera pardus tulliana, nombre cientifico con o cual s'identifica as poblacions de leopardo que historicament viviban en Asia Menor, serían en realidat miembros de P. p. saxicolor. Manimenos, a falta d'envistamientos d'istes animals y de datos cientificos sobre a subsistencia de poblacions (podrían estar extinctos) fan imposible poder fer una comparativa chenetica con as atras subespecies.
Ye pareixiu o que pasa con o leopardo de Sinaí, que fa anyos que no se'n avista, y que tamién s'heba definiu tradicionalment con unatro nombre cientifico: Panthera pardus jarvisi. Bels autors consideran que tamién ye una población relicta de leopardo persa, anque a suya descripción (mida mas chicota, colors mas fuscas) pareix que podría sucherir que encaixaría millor con Panthera pardus nimr (leopardo arabe), l'atra subespecie con presencia en a Peninsula arabica.
Tamién existen dubdas razonables sobre si o leopardo europeu d'o Pleistoceno tardano (Panthera pardus spelaea), conoixiu nomás por eixemplars fósils y subfósils, podeba estar tamién una forma territorial d'a mesma subespecie que o leopardo persa.[1] En ixe caso, o leopardo P. p. saxicolor estaría una subespecie con un aria de distribución orichinal que habría puesto arribar dica Europa occidental y l'Atlantico.
Referencias editar
- ↑ (es) Leopardo europeo, consultato lo 29 de mayo de 2017.