Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre paúl como zona humida. Pa atros usos de la palabra vaiga a l'articlo paúl (desambigación).

Paúl[1] u almarchal[2] ye una zona con suelo humido y vechetación higrofila. Amanix muito en la toponimia aragonesa.

Una paúl.

Etimología editar

Paúl deriva d'o latín PALUDEM con igual significau. En aragonés medieval se documenta a forma mes arcaica Padul.

A palabra almarchal ye d'orichen arabe, vien d'a palabra march que significa prau estando un caso d'adaptación d'a letra chim como ch en aragonés. Antes s'emplegaba en a Ribera Navarra, y Riberas Alta, Baixa d'Ebro y Sistema Iberico con o significau de paúl u terreno paulenco, pero ha quedau fosilizau en a toponimia, de fueras d'a cuenca de Millars, a on que encara se fa servir a variant armachal[1]. Bi ha bella mención medieval que proviene de Tudela, (1256, 1260, 1279: Almalchal, Almargale, Almarial), Alagón (1195) y Zaragoza (1158, 1191 y 1194):

lo campo qui es prope lo almagar (documentos d'o Pilar).
uendimus illos nostros campos quos abemus in termino de almarxhal (documentos d'o Pilar).
et illo almarial de illa villa cecidit inde a don Artal illam medietatem apud Cesauraugustam. Alagón 1195

En a toponimia a vegadas bi ha cambio de -l por -n, y d'astí formas como marján u marjanes.

 
Biquizionario
O Biquizionario tien una dentrada sobre paúl.

Referencias editar

  1. 1,0 1,1 (es) Manuel Alvar: Atlas lingüístico y etnográfico de Aragón, Navarra y Rioja. Tomo X. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Lamina 1611, mapa nº 1388 terreno pantanoso.
  2. (es) Juan A. Frago Gracia: Toponimia navarroaragonesa del Ebro (V) yermos y pastizales. Archivo de filología aragonesa XXXVIII. 1986.

Se veiga tamién editar


Cuerpos d'augua continental
Corrient Río · Regallo u Rigachuelo · Galocha · Torrent (Barranco · Garona · Rambla)
Aturada Laco · Lacuna u Estanyo (albufera · ibón · salada) · Paúl · Almarchal · Basa