Opportunity

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Opportunity
Opportunity (u tamién MER-B u MER-1).
Datos chenerals
Aplicación	Sonda espacial
Operadors	NASA
Lanzamiento	7 de chulio de 2003
Lanzador	Delta II
Destín	Marte

Opportunity yera un rover robotico d'a NASA que estió activa explorando Marte dende 2004 dica 2018 cuan la suya misión orichinal yera prevista que durase 90 diyas marcians (bels 92,5 diyas terrestres). Recorrió 45 kilometros y fació bels 225.000 fotos.

Historia

O rover estió construyiu de conchunta con unatro cheminuco clamau Spirit y totas dos estioron lanzadas en 2003. Opportunity aterrizó en Meridiani Planum en Marte lo 25 de chinero de 2004. O robot duró muitos mas anyadas d'a precura orichinal y se ganó la embotada falaguera de Oppy.

Dende chunyo dica aviento de 2004 estió rechirando lo crater Endurance. Dende abril dica chunyo de 2005 estió bozau en una duna d'arena que cuasi acaba con a misión. Finalment dimpués de diferents delicadas maniobras estió capaz de liberar-se. En setiembre de 2006 plegó a lo crater Victoria que estió explorando detenidament dica agosto de 2008.

En l'estiu de 2018 una enorme tronada de polvo cubrió per tot Marte con o que los suyos panels solars no podioron alimentar as suyas baterías y istas se descargoron definitivament.