Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Natalie Portman
L'actriz israelina Natalie Portman.
L'actriz israelina Natalie Portman.
Información personal
Nombre real Natalie Hershlag
Calendata naiximiento: 9 de chunio de 1981
Puesto naiximiento: Cherusalem (Israel)
Ocupación: Actriz, productora y Psicologa
Conchuche: Benjamin Millepied (parella, 2010- )
Globos d'Oro
Globo d'Oro a la Millor Actriz Segundaria:
-2004: Closer de Mike Nichols.

Natalie Portman (nombre artistico de Natalie Hershlag), naixita de Cherusalem o 9 de chunio de 1981, ye una actriz de cine, televisión y teatro a mas a mas de productora de cine israelo-estausunidense, activa en o cine estausunidense y en o teatro dende prencipios d'os anyos 1990 y con cuantos premios recibitos mientres a suya carrera artistica.

Primeras anyadas editar

Naixita de Cherusalem (Israel) lo 9 de chunio de 1981, en o sino d'una familia chodiga, lo suyo nombre orichinal ye Natalie Hershlag (en hebreu: נטלי הרשלג). Su pai, Avner Hershlag, ye un medico israelín d'oríchens polaco y rumano. Su mai, Shelley Stevens, ye una artista nordamericana d'oríchens austriaco y ruso.

Natalie vivió los suyos primers tres anyos a Israel, dica que la familia Hershlag emigró t'os Estaus Unius en 1984. Dimpués d'afincar-se en Washington, DC y Connecticut, remató a Long Island, en o estato de Nueva York. En 1999, Natalie accedió ta la Universidat de Harvard, an que obtenió un diploma en Psicolochía en 2003.

Inicios d'a suya carrera artistica editar

Un achent ta la interpresa de cosmeticos Revlon la descubrió a la edat d'once anyos. Ye alavez que pasó a dicir-se Natalie Portman (en hebreu: נטלי פורטמן), prenendo l'apellito de soltera d'a suya mai. Dimpués d'haber estato presentata a achents d'actors, consiguió lo suyo primer papel a los doce anyos, en a cinta Léon de Luc Besson, an bi entrepretó una zagala encara no adolescent que veye morir la suya familia per un afer de drogas.

A suya consagración editar

La carrera suya prenió una nueva volata a la que George Lucas li atorgó lo papel de Padmé Amidala en a suya segunda trilochía d'a Guerra d'as galaxias. Desichent per un regular con os papels que accepta, acaró a l'arreu la comedia dramatica con Garden State de Zach Braff y con Closer de Mike Nichols. Ista zaguer cinta li valdría en 2005 lo Globo d'Oro a la Millor Actriz Segundaria, de vez que una nominación en os Oscars ta la mesma categoría (Oscar a la Mllor Actriz Segundaria).

Natalie tamién ha feito d'actriz teatral en as obras The Diary of Anne Frank (Lo diario d'Anne Frank), en 1997, y The Seagull (La gaviota), d'Anton Chekhov, en 2001.

Filmografía editar

Premios editar

Oscars editar

Anyo Categoría Cinta Resultato
2004 Oscar a la Millor Actriz Segundaria Closer Candidata

Globos d'Oro editar

Anyo Categoría Cinta Resultato
2004 Globo d'Oro a la Millor Actriz Segundaria Closer Ganadora
1999 Globo d'Oro a la Millor Actriz Segundaria Anywhere But Here (En cualsiquier altro puesto) Candidata

Cusiosidaz editar

Vinclos externos editar