Moncayo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Moncayo
Situación
Situación	Tarazona (Zaragoza) Ágreda (Soria)
Latitut	41° 47′ N
Lonchitut	1° 50′ U
Vértiz cheodesico	35207
Cheografía
Cordelera	Sistema Iberico
Sierra	Sierra de Moncayo
Macizo
Altaria	2.314 m
Alpinismo
Primera puyada
Ruta mas fácil	Dende o santuario d'a Virchen de Moncayo
Mapa

Moncayo, tamién clamato San Miguel, ye a montanya mas alta d'o Sistema Iberico. Ye situato entre as provincias de Zaragoza y Soria. Tien 2.314 m d'altaria y en a suya tuca bi ha un vértiz cheodesico. Dende 1978 fa parte d'o Parque Natural de Moncayo.

Toponimia

Moncayo ye un toponimo que s'expresa sin d'articlo en aragonés y en castellano d'Aragón, mesmo en as formas composadas que fan referencia a Moncayo (aire de Moncayo). Moncayo sin articlo se veye en ditos aragoneses actuals relativos a l'orache:

Si en Moncayo hai embarrada ya tiens manyana tronada.

En aragonés medieval s'escribiba tamién sin d'articlo, como veyemos por eixemplo en la carta de población d'Alcalá de Moncayo (1380):

Sepan todos que cridado e clamado concello en el lugar de Alcala de piet de Moncayo, lugar qui es del abat e convento de santa María de Beruela, del orden de Cistells...

En romanz navarro se documenta tamién l'ausencia d'uso d'articlo con este toponimo:

Item vna carta sieyllada con el sieyllo pendient meyo paretiado del rey don Iayme

d'Aragon et de Mayorgas, en como dio a don Sancho, rey de Nauarra los castieyllos por

uender, empeynar et fazer su propria uoluntat por secula cuncta, es a saber, Ferreyllon, Ferrera, el castieyllo que es a pie de Montcayo que es clamado la Fayssina et Peyna Redonda, Çalatamor, etc

Bi ha diferents interpretacions d'o toponimo. En a Cronica de Sant Chuan d'a Penya lo relacionan con los treballos d'Hercules:

Et tantost entró por la provincia de Carpentanya, et vinció al Rey de Carpintanya, el qual auya nombre Caci, qui era de muyt estraña et orrible figura, en el mont de Carpentanya, en el qual fazía su habitacion, et por su nombre fuéle mudado el nombre Moncicati, el qual hoy a nombre Moncayo: et vencido el dito rey Caci, hedificó el dito Hércules al pié del dito mont, de las gents que vinieron con él de Tirus et de Ausonia, una ciudad que clamó Tirasona.

En a Cronica d'Espanya de García de Eugui tamién lo asocian a los treballos d'Hercules:

E fue vencido Cayo e fuyo avn monte mucho alto que es en Celtiberia al qual puso nombre de si mesmo, e por que dezian a el Cayo puso le nonbre Montcayo. E era logar do abia grant sabor de morar porque es logar sano e tenia cabo de si sus ganados, por exo fuyó adaquel logar cuydando de emparar alli. Mas quando sopo que Hercules binia...

En Trasobars a lo viento que provién de Moncayo li dicen Moncaín.

Ditos y mazadas

• Cillo en Moncayo, ponte a caballo.
• Carga en Moncayo, luego verás lleno o vallo.
• Ventana en Moncayo, ya pues soltar o rabanyo.

Se veiga tamién

• Santuario d'a Virchen de Moncayo.

Vinclos externos

• Se veigan as imáchens de Commons sobre Moncayo.
• (es) Pachina web d'o Parque Natural d'a Defesa de Moncayo.
• (es) Fuella d'o vértiz cheodesico.