Miguel de Ambiela
| Miguel de Ambiela | ||
|---|---|---|
| Información personal | ||
| Nombre | ||
| Embotada | ||
| Naixió | 29 de setiembre de 1666  La Pobla d'Albortón (Reino d'Aragón)
| |
| Murió | 29 de marzo de 1733  Toledo (Reino de Castiella)
| |
| Información musical | ||
| Orichen | ||
| Estilo | Musica d'o Barroco | |
| Ocupancia | Compositor | |
| Instrumentos | ||
| Tiempo | ||
| Discograficas | ||
| Relacionau con | ||
| Pachina web | ||
Miguel de Ambiela, naixiu de la Pobla d'Albortón (Reino d'Aragón) en 1666 (baptizau lo 29 de setiembre) y muerto en Toledo (Reino de Castiella) o 29 de marzo de 1733, estió un compositor aragonés d'o Barroco.
Formau en a Basilica de Santa María d'os Sagraus Corporals de Daroca (que en ixas envueltas yera una colechiata), se convertió o 18 de setiembre de 1685 en mayestro de capiella d'a debandita colechial de Daroca. Dende o 24 de chulio de 1686 exerciba ixa mesma función en a Seu viella de Leida, y en 1698 y dica 1700 l'exerciba en a Seu de Sant Pero de Chaca, pasando en ixa calendata a exercir-la en a Basilica de Nuestra Sinyora d'o Pilar d'o Zaragoza. En 1707 (mientres a Guerra de Succesión espanyola) marchó a estar mayestro de capiella en o monesterio d'as Descalzas Reyals de Madrit. En 1709 l'esleyoron mayestro de capiella d'a seu de Santiago de Compostela pero no en prenió posesión. Sí que prenió posesión en 1710 d'a plaza de mayestro de capiella en a Seu de Santa María de Toledo, a ciudat a on i morió.
Respective d'a suya obra, Miguel de Ambiela composó obras de musica relichiosa pero tamién fació composicions de musica profana; a mayor parte d'a suya obra ha desapareixito, no trobando-se catalogatas so que 40 obras, todas de musica relichiosa.[1]
Vinclos externos editar
(es) Miguel de Ambiela en a Gran Enciclopedia Aragonesa.
Referencias editar
- ↑ (es) Miguel de Ambiela en a Gran Enciclopedia Aragonesa.