Meandro de Raniellas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Lo Meandro de Raniellas ye un meandro que bi ha en l'Ebro entrando en la ciudat Zaragoza y que da nombre a un puesto de lo termin municipal suyo en lo barrio ACTUR - Rei Fernando, de lo districto de la marguin ezquierda.

Parque Metropolitano de l'Augua en Raniellas.

Este puesto de lo termin ye una plana de 150 hectarias que estió tradicionalment una huerta que ya existiba en la Edat Meya, cuan se deciba Raniellas en aragonés. Dica fer-se la Expo Zaragoza 2008 bi heba una intresant selva de ribera chusto en la marguin de lo río.

En l'anyo 2008 lo Meandro de Raniellas encomenzó a ser conoixiu cuan lo trigó lo Concello de Zaragoza pa fer-ie lo recinto de la Expo Zaragoza 2008 dedicada a l'augua y lo desembolique sostenible y fer-ie unas cuantas obras filluelas como lo Parque Metropolitano de l'Augua.

Amés, tien agora tres puents que unen las dos marguins de l'Ebro en la ciudat: Palanca d'el Voluntariato, Pabillón Puent y Puent d'el Tercer Milenio, la Torre de l'Augua (actualment un de los edificios mes alters de Zaragoza) y lo Palacio de Congresos.

Actualment se ye prebando de trobar uso pa los terrenos que ha deixau la Expo dimpués d'haber rematau; pretenden que se converta en un puesto de concentración d'oficinas.

Vinclos externos

• GoogleMaps Meandro de Raniellas