Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Lupercio Latrás
Información personal
Calendata de naixencia 1555
Puesto de naixencia Val d'Echo, Uesca, (Aragón)
Calendata de muerte 1590
Puesto de muerte , Segovia, (Corona de Castiella hué comunidat autonoma de Castiella y Leyón).
Ocupación Bandoler

Lupercio Latrás u de Latrás (Val d'Echo (Uesca), 1555 - † Segovia (Corona de Castiella hué comunidat autonoma de Castiella y Leyón), 1590) estió un bandoler, espión y contrabandista aragonés d'a segunda metat d'o sieglo XVI.

Fillo segundo d'o sinyor de Latrás, estió dende chovenet acusau de notables faltas y crimens. En l'anyada de 1579 se l'acusó d'instigar as alteracions d'Echo que rematoron con l'asesinato de belas personas d'o lugar. A suya sentencia de muerte estió prolargada por a ensistencia d'o suyo chirmán, dica que en 1583 estió condonau con o compromís d'ingresar en os Tercios.

Entre ixas dos calendatas, o choven Latrás ya feba atras endallanzas en as vals pirinencas y o Semontano. A suya destinación enta os tercios lo mantenió separau d'a comisión de delitos, pero en l'anyada de 1588, dimpués de que esclatase a Guerra de Ribagorza, desertó d'as tropas reyals y s'achuntó a l'exercito d'o conte rebel de Ribagorza, Ferrán de Gurrea, en contra d'es baixos nobles y infanzons locals y d'o poder d'o rei Felipe I (II de Castiella).