Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Se conoixe como leninismo a conchunto de aportacions politicas, economicas y filosoficas desenvolicadas por o líder bolchevique Vladimir Ilich Lenin dentro d'o marxismo.

Una d'as aportacións mas importants de Lenin estió a cuestión d'a organización comunista. Lenin argumentaba que a luita economica d'a clase obrera solo que la levaría a alquirir una ideolochía sindicalista y que a concencia marxista y revolucionaria debían ser ficadas dende difuera. Antimás, emplantillaba que a clase obrera, ta levar a cabo a suya actividat revolucionaria, debeba de contar con una vanguardia revolucionaria que dirichise a suya luita, o Partiu Comunista. Seguntes Lenin, os obchectivos d'o partiu solo podrían ser adubius a traviés d'una traza de organización disciplinada conoixida como centralismo democratico. O Leninismo mantiene que o imperialismo ye l'estadio mas alto d'o capitalismo, y que o capitalismo solo puede ser vencido a traviés d'os medios revolucionarios (cualsiquier intento de reformar o capitalismo ye destinau a o fracaso). Lenin creyeba en a destrucción de l'Estato capitalista a traviés d'a revolución proletaria, y en reemplazar a ixe Estato por a dictadura d'o proletariato (un sistema de democracia d'os treballadors y as treballadoras, an os treballadors y treballadoras tendrían o poder politico a traviés de consellos clamados soviets).