Lechión d'a Vistula

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A Lechión d'a Vistula (en polaco Legia Nadwiślańska estió una unidat militar de polacos a lo servicio de Napoleón Bonaparte y una d'as prencipals lechions polacas d'ixas envueltas de Napoleón. Se distinguió en os Setios de Zaragoza, en a Batalla de Smolensk, en a Batalla de Borodino y en a Batalla de Leipzig.

Jan Henryk Dąbrowski, o mas conoixito d'os chefes d'as Lechions polonesas, a o frent d'as suyas tropas.
Siello d'a Lechión d'o Vistula.

Creyación d'a lechión d'a Vistula editar

A lechión fue formata en Wrocław, en Prudnik, en Brzeg, en Nysa, en Korfantów (Silesia), en febrero de 1807, a partir d'un rechimiento d'Infantería y atro de Caballería a lo servicio d'o Reino de Nápols que proveniban d'as lechions de Dąbrowski de Jan Henryk Dąbrowski y d'a Lechión d'o Danubio de Karol Kniaziewicz, formatas orichinalment en l'anyo 1790. A nueva formación fue enamplata dende o cuadro napoletán pa convertir-se en una formación de tres rechimientos de infantería y un rechimiento de caballería, dito a lo prencipio Lechión Italiana-Polaca por haber estato organizata arredol de polacos enantes a lo servicio d'o Reino de Nápols. Muitos d'os reclutas veniban de territorios enantes ocupatos por Prusia y Austria, en particular de Poznań y Pomerania, dende os Repartos de Polonia.

A Lechión Italiana-Polaca luitó por primera vegata en lo setio de Klodzko y alavez fue trasferita ta o Reino de Westfalia en octubre de 1807 y fue destinata como guarnición en suya capital d'este estato titere de Francia, Kassel, on fue autorizata de reclutar a la fuerza polacos en territorios ocupatos por o Primer Imperio Francés. O nuevo rechimiento enamplato de caballería arribó en Kassel l'11 de noviembre de 1807.

Napoleón I mandó que esta lechión fuese transferita a lo servicio francés o 21 de febrero de 1808. A lechión fue trasferita ta Piteus y li cambeyoron oficialment o suyo nombre por Lechión d'a Vistula o 31 de marzo de 1808 con un ran equibalent a las unidat francesas de linia. A infantería de l'Exercito francés fue reorganizata con o modelo de seis batallons por rechimiento en abril de 1808 d'alcuerdo con a nueva organización decretata o 18 de febrero de 1808.

A deposito prencipal (u centro de suministros y refuerzos) d'a lechión yera en a ciudat francesa de Sedan. Tot o personal d'a lechión yera etnicament polaco, de fueras d'os oficials sin de mando en tropa, os civils emplegatos d'a companyía, os suministraors, os suboficials aduyants de batallón y os caixers, que yeran franceses.

A fuerza d'a lechión se fixó en 5.959 hombres en chunio de 1808. Os rechimientos 2º y 3º de infantería d'a Lechión d'a Vistula participoron en a invasión napoleonica d'Espanya.

Napoleón I ordenó una Segunda Lechión d'a Vistula formata por prisioneros presos dimpués d'a derrota austriaca en a Batalla de Wagram en chulio de 1809. O reclutamiento estió lento y no se podió fer que dos batallons, que fuoron ninviatos a Sedan en octubre de 1809. A diferencia d'a lechión orichinal, en a nueva formación admitioron soldatos d'orichen etnico alemán. A Segunda Lechión d'a Vistula no podeba reclutar a la fuerza, y fue disuelta en febrero de 1810, y lo suyo personal se fusionó con a lechión orichinal como o suyo cuarto rechimiento.

Servicio en Espanya editar

O 7 de febrero de 1811 se creyó un segundo rechimiento de lanzers, y o 18 de chunio d'ixe anyo retiroron os dos rechimientos de lanzers y los nombroron como 7º Rechimiento de Linia de Caballería Liuchera-lanzers y Rechimiento de Linia de Caballería Lichera-lanzers, con seis rechimientos convertitos de dragons franceses.

Servicio en Rusia editar

A lechión se retiró d'Espanya a prencipios d'o 1812 en os preparatorios d'a Invasión napoleonica de Rusia. En marzo de 1812 Napoleón ordenó a los cuatre rechimientos reclutar un tercer batallón, puyando cadagún a tres batallons, a mes d'una batería chicota de canyons de 3 pulgadas que heba d'estar adhibita a cada rechimiento d'alcuerdo con o stándard francés d'ixos tiempos. Totas serviban ensemble como una sola división adhibita a la Choven Guardia d'a Guardia Imperial, comandada por lo cheneral de División Claparède. Os nuevos tercers batallons d'os rechimientos no s'achuntoron con as suyas unidaz parentals dica que a retirata dende Moscú yera ya un feito consumato y prou abanzato. D'os aproximadament 7.000 miembros d'a lechión que entroron en Rusia, no en tornoron que 1.500.

Servicio en Alemanya en 1813 editar

O 18 de chunio de 1813 os supervivients d'a lechión fuoron reorganizatos en un solo Rechimiento d'a Vistula con dos batallons.

Servicio en Francia en 1814 editar

O Rechimiento d'a Vistula fue reformato de nuevo en 1814 en o suyo deposito en Sedan con toz os polacos que serviban en a infantería francesa. Dimpués de l'abdicación de Napoleón os supervivients tornoron ta Polonia.

Batallas editar