Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Kiwix ye un navegador web offline, de baldes y de codigo ubierto, creyau por Emmanuel Engelhart y Renaud Gaudin en 2007.[1] Se lanzó por primera vegada pa permitir l'acceso sin connexión con Internet a Wikipedia, pero dende alavez s'ha expandiu pa incluir atros prochectos d'a Fundación Wikimedia, asinas como textos de dominio publico d'o Prochecto Gutenberg. Disponible en mas de 100 idiomas, Kiwix s'ha incluiu en cuantos prochectos d'alto perfil, dende operacions de contrabando en Corea d'o Norte[2] y acceso enciclopedico en Cuba dica Bibliothèques Sans Frontières.

Kiwix.

Kiwix ye emplegau pa veyer Wikipedia offline (ye decir, sin estar connectau a Internet). Isto se leva a cabo por meyo d'a lectura d'o conteniu d'a Wikipedia almagazenau en un fichero de formato ZIM, que ye esencialment o conteniu d'a Wikipedia comprimiu, almagazenau en un formato especialment disenyau pa ista fin y de codigo ubierto. Con Kiwix ye posible leyer cualsiquier archiu de prochectos de Wikimedia (Wikisource, Wikiversity, Wikispecies, ...). Existen fichers ZIM listos pa estar usaus con Kiwix con diferents versions d'a Wikipedia en cuantos idiomas, manimenos, tamién se subministran contenius creyaus pa atros propositos, articlos de Wikipedia d'importancia pa estudiants.

O programa ye disponible pa cuantos sistemas operativos como Windows, Mac OS, Linux, iOS y Android.

Referencias editar

Vinclos externos editar