Ilesia de Sant Antón de Padua de Zaragoza

A ilesia de Sant Antón de Padua ye una ilesia de culto catolico situata en Zaragoza, Aragón. A ilesia, adedicata a Sant Antón de Padua, ye cabecera d'a parroquia d'o mesmo nombre con una población de uns 7.500 habitants.

Ilesia de Sant Antón de Padua

A ilesia de Sant Antón de Padua
Situación cheografica
Estau
País
'
Situación Zaragoza, Aragón
Adreza Paseyo de Cuéllar, 10
Coordenatas 41°38′4″N 0°53′7″U
Archidiocesi Zaragoza
Diocesi
Arcipestrau Santa Engracia
Información cheneral
Advocación Sant Antón de Padua
Culto Catolico
Orden Capuchins
Rector
Vicario parroquial
2.º Vicario parroquial
Mosen
Propietario
Administrador
Director
Coste {{{coste}}}
Vesitable
Altaria
Pisos
Amplaria
Largaria
Superficie
Diametro
Aforo
Altaria s.r.m.
Atras
Alcance
Iluminación
Potencia
Arquitectura
Tipo Ilesia
Estilo Arquitectura faixista
Función
Catalogación
Materials
Construcción
Construcción Sieglo XX
Fundador
Inicio
Fin
Inauguración 25 de chulio de 1945
Destrucción
Equipo disenyador
Arquitecto Víctor Eusa Razquin
Incheniero estructural
Incheniero de servicios
Incheniero civil
Atros
Premios
Pachina web
Localización
Ilesia de Sant Antón de Padua ubicada en Aragón
Ilesia de Sant Antón de Padua
Ilesia de Sant Antón de Padua
Ilesia de Sant Antón de Padua en Aragón

O conchunto arquitectonico se composa d'a propia ilesia de Sant Antón, o "Sacrario Militare Italiano" y o convento d'os Capuchins.

Historia editar

 
Interior d'a ilesia

A primera piedra se metió o día 3 de mayo de 1942 en o Paseo Cuéllar 10 d'a capital aragonesa, a pocos metros d'a Canal Imperial d'Aragón.

Dimpués de poco mas de tres anyos de treballos se fació a devantadera oficial o 25 de chulio de 1945.

Dende o 31 de marzo de 1965, por decreto de l'arcebispe de Zaragoza Pedro Cantero Cuadrado, a ilesia de Sant Antón de Padua se convertiba en parroquia, deseparando-se d'a parroquia de Santa Engracia y de Nuestra Sinyora de l'Amor Fermoso.

Descripción editar

O molimento se composa d'una torre monumental y a ilesia de Sant Antón de Padua, conventual, atendita por os flaires franciscanos capuchins.

Ye obra de l'arquitecto pamplonés Víctor Eusa Razquin y o constructor zaragozano Ángel Aísa Esteban.

A torre ye construita con piedra picata y en forma d'espuenda, con aspecto de fortaleza. L'acceso a la ilesia de fa a traviés d'una serie d'arcos.

En l'interior d'a ilesia de troba una imachen de Sant Antón de Padua feita en fusta d'aciprés que ye obra d'o escultor valenciano Juan Bautista Porcar y que ye obchecto de veneración en a ciudat, a on o día d'a celebración d'a fiesta d'iste santo, o 13 de chunio, se fan 23 misas y unas 35.000 personas s'amanan a la ilesia.

Sacrario Militare Italiano editar

 
Placa en a dentrada a o Sacrario

D'o mesmo conchunto arquitectonico fa parti o "Sacrario Militare Italiano" dita popularment a "Torre de Sant Antón", propiedat d'o Gubierno Italiano. Se tracta d'o molimento funerario con soldatos faixistas cayitos en a Guerra Civil Espanyola mas important de tot o Estato Espanyol.

A torre ye un osario a on se troban as restas mortals de 2.889 cuerpos de militares italianos. O prochecto fue subvencionato por o gubierno faixista de Benito Mussolini con l'obchectivo d'apedecar astí a toz os soldatos italianos que heban muerto en a Guerra Civil y que se trobaban en fosals de diferents localidaz espanyolas. Estió lo pai Pietro de Varzi, capellán capuchín que atendeba a os soldatos, qui prencipió as chestions ta a construccions en rematar a guerra.

A elección de Zaragoza como puesto ta a instalación d'o Sacrario Militare la chustificó o día en que se metió a primera piedra d'o prochecto l'alavez embaixador d'Italia en Espanya, Francisco Lequio, decindo que:

Ye de chusticia que o molimento d'os nuestros muertos se devante en Zaragoza que leva en o suyo nombre o d'o suyo imperial fundador romano. Bien ye o molimento a os cayitos en a Inmortal ciudat d'os Mártirs, en o Santuario d'a Raza Hispanica, centro espritual d'a nación dende que a Santísma Virchen i fixó o suyo Pilar inconmovible

D'atra man, encara que a mayor parti d'os militars apedecatos astí luitoron en o bando franquista tamién se remera, en una placa a on son gravatos os suyos nombres, a os 546 brigadistas garibaldinos que murioron esfendendo a la Republica Espanyola, trobandose-ie tamién as restas mortals de 22 d'ells.

En a torre se troban dos chicotas exposicions adedicadas l'una a os soldatos faixistas y l'atra a os brigadistas garibaldinos con recurdos, cartas, fotografías y obchectos personals.

L'arco de dentrada a la cripta diz "L'Italia a tutti suoi Cadutti in Spagna" (en italiano "Italia a toz os suyos cayitos en Espanya"). Toz os anyos o día 2 de noviembre se fa un homenache a os soldatos que se troban aquí.

Vinclos externos editar