Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Galerida cristata
Cocullada común (Galerida cristata)
Denominacions populars
Cocullada, cogullada, cucullada [1], cugullada [2], aloda de monyo, aloda monyuda, calandria monyada, cubillada, cucurullada
Estau de conservación

Seguro (IUCN)
Clasificación cientifica
Eukaryota
Animalia
Chordata
Aves
Passeriformes
Alaudidae
Galerida
G. cristata
Descripción
Galerida cristata
LINNAEUS, 1758
Distribución cheografica
Distribución.

A cocullada común, cucullada común u cogullada común (nombre cientifico: Galerida cristata (L., 1758)) ye un au paseriforme d'a familia Alaudidae, tipica d'espacios ubiertos y que prefiere habitats mas secos que atras alaudidas.

Ye una especie común en campos de cultura, estepas y semidesiertos en Europa, Asia y Africa dica o ecuador. Ye un paixaro sedentario,[3] que no migra entre estacions.

Descripción editar

A cocullada ye un paixaro de 17 centimetros de lonchitut, que pesa entre 37 y 49 gramos.[3] Se pareix a-saber-lo a la suya parient l'aloda, con a cual a sobén comparte habitat y costumbres, por lo cual muita chent as confunde. Manimenos, o cuerpo d'a cocullada ye mas robusto y no pareix tan grácil como l'aloda, y a cresta de plumas que pueden alzar, alto d'a cabeza, ye mas larga y vistable en ista especie, sin que deixe de veyer-se nian cuan ye baixada.

O plumache ye marrón u pardo, menos picudo que en atras alaudidas. No tienen dimorfismo sexual; tanto a fembra como lo masclo tienen as mesmas mida y color. Toz os adultos cantan, y lo fan a sobén puyaus en una penya, un muro u cualsiquier atro puesto mas alto que o terreno a on viven.[3]

Alimentación editar

Como as demás alaudidas, as coculladas son granivoras principals, y s'alimentan de granos y simients que troban por o suelo. Son caminaderas, y marchan grans distancias por tierra mirando-se l'alimento. Manimenos, como son paixaros que prefieren os terrens secos y os baldanos mas que atros, ambients an que no i ha tanta hierba, son oportunistas con o que troban y consumen tamién muitos insectos y atros invertebraus.

As coculladas consumen mas insectos que especies parellanas suyas, como l'aloda, mesmo fueras d'a temporada de reproducción.[3]

Habitat editar

A cocullada habita en espacios ubiertos, preferentment secos y con poca vechetación,[3] dende dunas chunto a la mar dica catarrals y pedrosas. Se troba tamién en uebras y erials humanizaus, en a periferia d'as ciudatz y mesmo no ye raro trobar-se-ne de paso en espacios como un aparcamiento.[3]

Fa niedo debaixo d'un arbusto u bella mata de hierba, a sobén con o suelo esgarrapau y sin nian amagar-lo. A fembra mete de 3 a 5 uevos y os coba sola mientres 12 días.[3]

Imáchens editar

Se veiga tamién editar

Referencias editar

  1. (es) Chesús de Mostolay: EL SOMONTANÉS Diccionario de voces y expresiones, Albama Literaria, 2022, ISBN 978-84-09-41341-6, p.229
  2. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  3. 3,0 3,1 3,2 3,3 3,4 3,5 3,6 (es) Losange, Aves de España y Europa. Susaeta Ediciones. Madrid.

Vinclos externos editar