Fototaxia
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A fototaxia (pronunciau /foto'taksja/, como "fototacsia") ye o movimiento u taxia que se produz en un organismo vivo en respuesta a o estímulo de a luz, tot condicionando un desplazamiento a favor d'un gradient luminoso u a modificación de a postura corporal con a finalidat d'orientar-se u orientar bella parte d'o cuerpo cara ta la luz.
A fototaxia puet estar positiva cuan l'organismo se mueve a favor de a luz, u negativa cuan o fa a la contra. A fototaxia positiva resulta avantallosa ta os organismos fototrofos, pus permite una exposición de a mayor parte d'o cuerpo a la luz, o que incrementa la fotosintesi.
O concepto de fototaxia s'entivoca a sobén con o de fototropismo. Mientres que o fototropismo fa referencia a un creiximiento de l'organismo u bellas partes de l'organismo en dirección ta la luz (fenomeno frecuent p. ex. en as partes aerias d'as plantas), a fototaxia se refiere a un desplazamiento de tot l'organismo (frecuent en microorganismos y en bels animals) u una reorientación de bella parte d'aquel (p. ex. as follas d'as plantas) a favor d'a luz. Partes que, en tot caso, ya existiban antes que s'emprendese o movimiento fototactico.