Finochés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Finochés (Inogés en castellano) ye un lugar de lo termin municipal d'el Fraixno, en la comarca de la Comunidat de Calatayú y en la provincia de Zaragoza. La suya población yera de 53 habitants en o 2009.

Finochés
Lugar d'Aragón
Entidat  • País  • Provincia  • Comarca  • Municipio	Lugar  Aragón  Zaragoza Comunidat de Calatayú El Fraixno
Partiu chudicial	L'Almunia de Donya Godina
Población  • Total	53 hab. (2009)
Codigo postal	50320
Parroquial  • Diocesi  • Arcipestrau	Tarazona Baixo Xalón
Coordenadas	41°22’48’’N 1°27’48’’U
Finochés Finochés en Aragón

Toponimia

S'escribe ya Finoges en la "Bula de Lucio III" (1182):

Ecclesiam de Viver cum pertinenciis suis, Ecclesiam de Finoges cum pertinencis suis, Ecclesiam de Pleytas cum pertinenciis suis

Figura como Fenogas en Rationes decimarum Hispaniae (1279-80)

Item a Garcia Petri, rectore de Pyetas et Fenogas

S'escribe Fenoges cuan lo 7 de chuliol de 1292 lo bispe de Tarazona concedió la ilesia de Finochés a lo prior y a lo capítol de la Ilesia de Santa María Mayor de Calatayú:

...atque mense eorum, ecclesias de Fenoges et de Pietas, aldearum Calataiubii, nostre diocesis...

En atros textos se puet trobar como Finoges u como Finojes. Tamién ye posible veyer escrito Finolles, y en un testamento de 1411 se leye Finolles y Finoges:

nj mjnguada del vltimo testament de domjngo finoges sabio endereyto Ciudadano dela Ciudat de Calatayu

Sig(signo)no de mj pedro docanya habitant enla Ciudat de Calatayu por actorjdat Reyal notario publico por todo el Regno de aragon quj la dita clausula del dito testament del dito domjngo finolles

Se castellanizó perdendo la f- inicial convertindo-se en Inogés. D'alcuerdo con Antonio Ubieto Arteta s'escribiba Finogés encara en 1646 y s'escribe Inogés dende 1713.

Historia

Perteneixió a la Sexma del río Miedes adintro de la Comunidat de Calatayú.