Cul d'Estaubé
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O cul d'Estaubé (en francés cirque d'Estaubé) ye un cul situau en o centro d'a cordelera d'os Pireneus, en o departamento d'os Altos Pireneus de Francia, mugando con Aragón.
Tien una amplaria meya de 3,4 km y a suya base se sitúa arredol d'os 1.800 metros d'altaria. As cumbres que lo forman tienen entre 2.800 y 3.000 metros d'altaria. O clima d'iste puesto ha feito que en o cul no bi haiga árbols ni grans matorrales. Gracias a la suya importancia medioambiental, o parache ye incluyiu en o Parque Nacional d'os Pireneus.
As suyas paretz las forman picos como o Marmorés d'el Cul Gran (3.071 m), o pico de Tuca Roya (2.818 m), o pico de Pineta (2.859 m), a punta d'el Garién (2.720 m), Montraspo Baixo (2.662 m), Montraspo Alto (2.694 m), o pico de la Capiella (2.826 m) y o pico de la Canal (2.768 m).
A forqueta de Tuca Roya (2.953 m), a on se troba o cubilar de Tuca Roya, comunica o cul con l'ibón de Marmorés, en Aragón. Atros pasos de montanya entre as dos versants son a breca Deux Bornes (2.768 m), a portiella d'el Garién (2.611 m) y o puerto de la Lera (2.469 m). Destaca en a paret d'o cul o glaciar de Astazú.