Coraciiformes
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Coraciiformes | |
|---|---|
_(16461050642).jpg) | |
| Denominacions populars | |
Coraciformes
| |
| Clasificación cientifica | |
| Eukaryota | |
| Animalia | |
Filo:
|
Chordata |
| Aves | |
| Neornithes | |
| Neognathae | |
| Coraciiformes | |
| Descripción | |
Coraciiformes
FORBES, 1884 | |
As coraciformes (nombre cientifico, en latín: Coraciiformes (FORBES, 1884)) son una orden d'aus neognatas voladeras, con costumbres diversos. A suya familia tipo ye Coraciidae.
Adintro d'ella se clasifica 6 familias[1][2] y entre ellas se i troba aus comuns en as nuestras latituz, como o martín pescador, o gai azul u as diferents especies d'abellaruelos (familia Meropidae).
En as taxonomías que siguen a clasificación de Sibley-Ahlquist, especialment en l'ambito academico estausunidense, en Canadá y en America Latina, a orden ye deseparada en dos, con parte d'as familias en a orden proposada Bucerotiformes, mientres que en as taxonomías clasicas que se fa en a tradición europea encara se gosa trobar as familias chuntas en Coraciiformes.
Caracteristicas editar
As coraciformes son aus voladeras de mida mediana u gran. O martín pescador (Alcedo atthis) ye una d'as especies mas chicas, con arredol de 20 cm de largaria, pero a orden tamién concabe especies de calaus[3] que pasan d'o metro de largo.
As patas son curtas u moderadament largas,[4] con zarpas de tres didos ta debant y uno ta dezaga (sindactilia), prensils, y as unglas robustas, una miqueta curvadas menos en o dido zaguero, que puet estar mas recta.
Os picos son de curtos y robustos dica moderadament largos.[4] A coda tamién varía de curta dica muit larga en función d'a especie. As alas son amplas, arrondiadetas en unas especies, u largas y rematadas en puncha en unas atras.
A poca compactación entre os caracters definitorios d'ista orden, con (bellas vegadas) diferencias ostentosas entre familias,[5] ye una d'as razons por as cuals ha estau revisada en as succesivas clasificacions y muitos consideran que os miembros d'a orden Bucerotiformes mereixen estar en una orden desalpartada.
Referencias editar
- ↑ (es) Orden: Coraciiformes, consultada o 23 de setiembre de 2018.
- ↑ (en) Coraciiformes, consultada o 23 de setiembre de 2018.
- ↑ Nombre proposau pa l'aragonés, pos en as luengas romances (cálao en espanyol, calao en francés, calào en italiano...) s'ha adaptau dende o portugués calão, o cual a prene d'o tamil.
- ↑ 4,0 4,1 (en)Coraciiform, consultada o 23 de setiembre de 2018.
- ↑ (en) Coraciiformes Tag, consultada o 23 de setiembre de 2018.
Se veiga tamién editar
Vinclos externos editar
Se veigan as imáchens de Commons sobre Coraciiformes.
Wikispecies tiene un articlo sobre Coraciiformes.
