Condau d'Aranda
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Lo Condau d'Aranda ye un títol nobiliario aragonés y dimpués espanyol, concedito en 1508 por Ferrando I d'Aragón a Lope Ximénez de Urreya, casato con Catarina d'Íxar. En 1640, Felipe IV d'Espanya anyadiba a lo títol contal la Grandeza de Espanya, en la persona de Don Antonio Ximénez de Urreya, cinqueno tetular. Lo deceno y zaguer conte d'Aranda estió lo Pedro Pablo Abarca de Boleya y Ximénez de Urreya celebre ministro de Carlos III d'Espanya.
Condau d'Aranda | |
|---|---|
|
| |
| Información cheneral | |
| Primer titular | Lope Ximénez d'Urreya |
| Concesión | Ferrando I d'Aragón 19 de chinero de 1508 |
| Linache(s) | Ximénez d'Urreya Casa d'Íxar Casa d'Alba |
| Actual titular | María del Rosario Cayetana Fitz-James Stuart y Silva |
En 1488 Ferrando II d'Aragón dará lo títol de Contes d'Aranda a un miembro d'esta familia: Lope IV Ximénez d'Urreya, que ya yera bezconte de Rueda, sinyor d'Almonecir, Epila, Trasmoz, la Mata de Castelviello, Saliellas de Xalón y Casanueva y que por l'adquisición de Lumpiac y Sunyén en 1482 s'aseguró lo dominio cuasi absoluto de la Ribera Baixa de lo río Exalón y las vals d'Aranda y la Isuela.
A la muerte de Pedro Pablo Abarca de Boleya y Ximénez d'Urreya sin descendencia lo títol de Conte d'Aranda pasó a la Casa d'Íxar.
Alfonso de Silva Fernández de Híjar y Fernández de Córdoba Campbell se casó con María Rosario Gurtubay y González de Castejón, con qui tenió a Maria Rosario de Silva y Gurtubay, que se casó con Jacobo Stuard Fitz-James y Falcó Osorio, lo XVII duque d'Alba. La filla d'estos zaguers, (la celebre duquesa d'Alba Cayetana Fitz-James Stuart) heredó los títols de "Conte d'Aranda" y "Duquesa d'Íxar" cuan succedió a lo suyo lolo Alfonso en l'anyo 1956.
Lista de contes d'Aranda de lo linache de los Ximénez d'Urreya:
- I Conte d'Aranda: Lope Ximénez d'Urreya.
- II Conte d'Aranda: Miguel Ximénez d'Urreya.
- III Conte d'Aranda: Chuan Ximénez d'Urreya.
- IV Conte d'Aranda: Loís Ximénez d'Urreya.
- V Conte d'Aranda: Antonio Ximénez d'Urreya.
- VI Conte d'Aranda: Pedro Pablo Fernández d'Heredia e Ximénez d'Urreya.
- VII Conte d'Aranda: Dionisio Ximénez de Urrea olim Fernández de Heredia Vera de Oriola Zapata de Calatayud Jover Claver Fernández de Híjar.
- VIII Conte d'Aranda: Francisco Ramón de Monserrat Ximénez de Urrea y Rocafull.
- IX Conte d'Aranda: Pedro Alcántara Buaneventura Pedro de Alcantara Abarca de Boleya.
- X Conte d'Aranda: Pedro Pablo Abarca de Boleya y Ximénez d'Urreya.