Clasificación climatica de Köppen

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A clasificación climatica de Köppen ye un d'os sistemas de clasificación d'o clima mas emplegatos.

Simplificación esquematica d'a clasificación climatica de Köppen.

   Clima tropical humido

   Clima d'a sabana

   Clima semidesertico

   Clima desertico

   Clima templato humido

   Clima subtropical humido

   Clima continental humido

   Clima transsiberián

   Clima fredo de verano seco

   Clima d'a tundra

   Clima d'a capa de chelo

Lo fació Wladimir Köppen arredol de l'anyo 1900, efectuando él mesmo revisions posteriors en os anyos 1918 y 1936. Tamién i colaboró, en menor mesura, Rudolf Gieger.

Köppen parte d'a hipotesi que a vechetación espontania reflecta fidelment o clima d'un puesto determinato.

O sistema de clasificación combina as meyanas de temperatura y precipitación y a estacionalidat d'ista zaguera. Se i estableixen 5 grupos prencipals (designatos con letras mayusclas: A,B,C,D,E) y o patrón d'a precipitación y atras caracteristicas indicatas con letras minusclas. w: winter (precipitación predominant d'hibierno) u s:summer (precipitación predominant de verano).

Grupo A editar

Clima tropical, temperatura meyana d'o mes mas fredo superior a 18 °C.

Subdivisions d'o clima tropical:

  • Clima tropical pluvioso de selva humida, con toz o meses con pluviometria superior a 60 mm (Af) (por eixemplo Singapur).
  • Clima tropical monzonico, a on a mayor parti d'a precipitación se concentra en verano (Am) (por eixemplo Bangladesh).
  • Clima tropical con estación seca y estación humida, y clima d'a sabana (Aw).

Grupo B editar

Son climas secos caracterizatos por o feito de que a precipitación total anyal ye menor que a evaporanspiración potencial. Puede estar un clima arido u semiarido.

Subdivisions:

Grupo C editar

Clima templato, caracterizato por temperaturas d'os meses mas calidos por dencima de 10 °C mientres o mes mas fredo ye superior a -3 °C.

Subdivisions d'o clima templato:

  • Clima mediterranio (Csa, Csb), situatos en arias reducitas a la parti occidental d'os continents, presentan sequera en verano.
  • Clima subtropical humido (Cfa, Cwa), parellán en temperatura a os anteriors pero sin de sequera en verano.
  • Clima templato maritimo (Cfb, Cwb), situatos en o caso d'Europa a o norte d'os climas mediterranios, son humidos tot l'anyo y con temperaturas moderatas, veranos frescos.
  • Clima maritimo subarctico (Cfc) u os tipos de clima fredos, situatos a o norte d'os anteriors como eixemplo o clima d'Islandia.

Grupo D editar

Clima continental, temperatura por dencima d'os 10 °C en os suyos meses mas calidos y o mes mas fredo por debaixo de -3 °C.

Subdivisions d'o clima continental:

  • De verano calido (Dfa, Dwa, Dsa), Asia y Norteamerica entre as latituz 30 y 40. Eixemplo: Chicago.
  • Continental de verano no tan calido, por debaixo de 20 °C o mes mas calido pero por dencima de 15 °C (Dfb, Dwb, Dsb). Eixemplo: Estocolmo.
  • Continental Subarctico u clima fredo (a taiga) (Dfc, Dwc, Dsc). Eixemplo: Quebec.
  • Clima continental subarctico con hibiernos muit fredos (Dfd, Dwd), nomás se troba a l'este de Siberia. Eixemplo Verkhoyansk.

Grupo E editar

Clima Polar, caracterizato por temperaturas meyanas por debaixo de 10 °C en toz os meses de l'anyo.

Subdivisions d'o clima polar:

  • Clima de tundra (ET), o mes mas calido tien una temperatura d'entre 0 y 10 °C. Eixemplo Longyearbyen en as islas Svalbard.
  • Clima de casquet polar (EF), con os doce meses de l'anyo con temperaturas meyanas por debaixo de 0 °C. Ye o clima d'a mayor parti de l'Antarctida y l'interior de Gronlandia.
 
Carta Mundial d'a Clasificación Climatica de Koppen-Geiger.

Se veiga tamién editar

Vinclos externos editar