Calzón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O calzón ye una prenda masculina d'a familia d'os pantalons que cubre dende a cintura dica os chinullos u una mica por debaixo d'istes. Ye una prenda desusada difuera de bels vestius tipicos, pero fue popular en o vestuache masculino d'entre os sieglo XVI y XIX.

Zagal con vestiu tipico aragonés, arredol de 1902. Lieva calzón negro alto d'unas marinetas blancas que tansament se veyen.

Ye mas cenyiu contra la cintura y a curronera que os valons, y se gosa achustar por debaixo d'o chinullo con cordons u con botons. A vestidura d'a parte d'a garra que no cubre o calzón (a caniella) se fa con calcillas u con pedugos altos, que pueden cenyir-se con unas abarqueras.

Se confecciona con telas de tipos muit diferents, pendendo d'a función, dende o raso pa las clases altas d'os sieglos XVII y XVIII, dica panyos recios como a pana en as clases populars. Normalment s'emplega calzons diferents pa diferents situacions, y os de teixius mas finos y de mas calidat se destinan pa os dias de celebración.

En o vestiu tipico aragonés, o calzón se mete alto d'unas marinetas que fan a función de ropa interior, anque normalment as en deixan veyer un poquet por debaixo. Pa conseguir ixe mesmo efecto anque sin estar incomodos, bels calzons de confección moderna, como os que se comercializa pa fiestas y romerías populars en mutos puestos d'Aragón, lievan uns manguitos con gomas cusius en os baixos que aparentan a parte vistable d'as marinetas d'os vestius tradicionals de verdat.

Imáchens

• 
• 
• 
  Vestiu francés con calzón (s. XVIII).
• 
  Ilustración.

Se veiga tamién

• Marinetas.
• Valons (prenda).
• Calzas.
• Calcetas.
• Achustador.
• Camisa.
• Chambra.
• Chipón.

Vinclos externos

• Se veigan as imáchens de Commons sobre calzons.