Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Bergen (antigament conoixita como Bjørgvin) ye a capital d'o condau de Vestland y tien 285.911 habitants en l'anyo 2021.[1]

Bergen
Localidat de Noruega
Bandera Escudo d'armas

Anvistas de Bergen
Estau
 • Condau
 Noruega
Condau de Vestland
Superficie 464.71 km²
Población
 • Total

257087 hab. (2019)
Altaria
 • Meyana

0-987 m.
Codigo postal 5003–5098
Coordenadas
Bergen ubicada en Noruega
Bergen
Bergen
Bergen en Noruega
Web oficial

Bergen ye a segunda ciudat mas gran de Noruega. Lo municipio cubre 465 kilometros cuadraus y se troba en a peninsula de Bergenshalvøyen. Lo centro d'a ciudat y os vicos d'o norte son en Byfjorden, 'el fiordo d'a ciudat '. A ciudat ye rodiada de montanyas y ye asinas conoixida como a ciudat d'as siet montanyas. Muitos d'os rabals extramunicipals son en islas. Bergen ye lo centro administrativo d'o condau de Vestland. A ciudat consta d'ueito districtos: Arna, Bergenhus, Fana, Fyllingsdalen, Laksevåg, Ytrebygda, Årstad y Åsane.

Clima editar

Bergen tien un clima hibernal suau, encara que con muitas precipitacions. D'aviento a marzo, Bergen puede estar, en rarizas ocasions, dica 20 °C mas calida que Oslo, tot y que totas dos ciudaz son a uns 60 ° a lo norte. A Corriente d'o Golfo mantene a mar relativament calida, considerando a suya latitut, y as montanyas protechen a la ciudat d'os aires fredos d'o norte, nord-este y este.

Historia editar

Ye posible que o comercio en Bergen haiga prencipiau ya en o decenio de 1020. Seguntes a tradición, a ciudat estió fundada en 1070 per o rei Olav Kyrre y recibió o nombre de Bjørgvin, o prau verde entre as montanyas. Estió a capital de Noruega en o sieglo XIII, y dende zaguerías d'o sieglo XIII se convirtió en una ciudat d'o Ligallo Hanseatico. Dica 1789, Bergen desfrutó de dreitos exclusivos pa mediar en o comercio entre o norte de Noruega y l'extranchero y estió a ciudat mas gran de Noruega dica lo decenio de 1830, cuan estió superada per a capital, Christiania (agora conoixida como Oslo). Lo que queda d'os muelles, Bryggen, ye Patrimonio d'a Humanidat. A ciudat se veyió afectada per numbrosos incendios a lo largo d'os anyos.

Economía editar

A ciudat ye un centro internacional pa l'acuicultura, o transporte maritimo, l'industria petrolera en alta mar y a tecnolochía submarina, y un centro nacional pa la educación superior, os meyos de comunicación, o turismo y as finanzas. Lo puerto de Bergen ye o mas activo de Noruega en termins de carga y pasachers, con mas de 300 escalas de cruceros a l'anyo que trayen cuasi meyo millón de pasachers a Bergen, un numero que s'ha duplicau en as zagueras 10 anyadas. Cuasi a metat d' os pasachers son alemans u britanicos.

Esporte editar

O prencipal equipo de futbol d'a ciudat ye SK Brann.

Referencias editar

Vinclos externos editar