Avión de fuselache amplo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un avión de fuselache amplo ye un avión comercial con dos corredors, por o cual a ormino tamién se conoixen como avions de dos corredors. O diametro tipico d'o fuselache ye de 5 a 6 metros. En a clase economica d'a mayoría d'avions de fuselache amplo, os pasachers gosan posar-se en ringleras de siet a diez asientos, permitindo una capacidat total de 200 a 600 pasachers. Os avions de fuselache amplo de mas de 6 metros de diametro pueden tener ringleras de mas d'once pasachers, en configuracions d'alta densidat.

Interior de un avión de fuselache amplo.

Pa contimparar, un avión comercial de fuselache estreito tien un diametro de 3 a 4 metros, con un solament corredor, y una capacidat de dos a seis personas por ringlera.

Os avions de fuselache amplo se disenyoron orichinalment como que una combinación d'eficiencia y confort d'os pasachers. Manimenos, decamín as aerolinias tenioron en cuenta os factors economicos, y reducioron o espacio adicional d'os pasachers pa maximizar os ingresos y beneficios.