Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Aniello Unico ye un obchecto ficticio perteneixient a o legendarium d'o escritor britanico J. R. R. Tolkien. Apareixe en obras de Tolkien como O Silmarillion, O Hobbit y, como elemento prencipal d'a historia, en O sinyor d'os aniellos, novela que chira arredol d'a suya destrucción. Iste aniello representa o poder d'o sinyor oscuro Sauron, un maia que se convirtió en o lugartenient d'o primer «Sinyor oscuro», Morgoth, mientres os Días Antigos d'a Tierra Meya.[1]

L'Aniello Unico con a escritura en a luenga negra.

Tamién ye conoixiu como l'Aniello de poder, o Mal d'Isildur, o simplemant «L'Aniello». O personache Gollum, un d'os suyos portiadors, le'n diz en a novela «Poliu» y «Regalo de cabo d'anyo» u simplament «Regalo». Tamién le'n diz «Tresoro», igual que Bilbo. Faramir, Frodo y Sam Gamyi en fan referencia en bella ocasión como «L'Obchecto» y Denethor como «poderoso regalo».

Historia interna editar

Descripción editar

Encara que a simple vista l'Aniello Unico pareixeba un aniello d'oro normal, yera immune a toda forma de destrucción, a excepción d'os fuegos de l'Orodruin (Mont d'o Destín), o volcán situau en a tierra de Mordor, a on fue forchau por Sauron. Yera posible identificar-lo en meter-lo a una calor intensa, ya que d'ista traza apareixeba una inscripción en luenga negra de Mordor, escrita en caracters tengwar tanto en a cara interna como externa de l'Aniello, y que simboliza o suyo poder de control sobre a resta d'aniellos de poder:

 

Ash Nazg durbatulûk, ash Nazg gimbatul, ash Nazg thrakatulûk agh burzum-ishi krimpatul.

A traducción que o mago Gandalf fizo d'ista frase ye:

Un Aniello ta gubernar-los a toz. Un Anillo ta trobar-los,
un Aniello ta atrayer-los a toz y en as uembras ligar-los.
— Tolkien, 1993.

En mans de Sauron l'Anillo yera facilment reconoixible, ya que a calor intensa que desprendeba o suyo cuerpo yera prou ta que a inscripción brilase de forma contina.

Un atra caracteristica important de l'Anillo ye que poseye voluntat propia, estando capable de forzar as situacions, como por eixemplo, cambear de poseyedor y asinas ir amanando-se-ir a o suyo sinyor lechitimo. Puet salir-se d'un dido en l'inte oportuno (como le pasó a Isildur) u ficar-se en un dido si lo creye oportuno (como pasó con Bilbo en o Hobbit), puet perder-se u fer-se trobar cuan lo deseya. Gandalf conoixe esta condición y a sobén cosira si l'Aniello ye a on ha d'estar.

Portiadores de l'Aniello editar

  • Sauron, o suyo creyador;
  • Isildur, fillo mayor d'o rei Elendil;
  • Déagol, un hobbit que trobó l'Aniello a cantos d'o río Anduin;
  • Gollum, tamién conoixiu como Sméagol. Primo de Déagol, l'asasinó ta fer-se con l'Aniello;
  • Bilbo Baggins, trobó l'Aniello dimpués d'haber dixau iste a Gollum;
  • Frodo Baggins, sobrín de Bilbo y o encargau d'a destrucción de l'Aniello;
  • Tom Bombadil, levó l'Aniello mientres bels segundos sin que iste pareixiera afectar-le.
  • Samsagaz Gamyi, o millor amigo y chardinero de Frodo, que levó l'Aniello por un breu periodo de tiempo.

Referencias editar

  1. (en) The Ring and the Rings en The NewYorker.com

Se veiga tamién editar

Vinclos externos editar