Abella (Teruel)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre un despoblato medieval de la provincia de Teruel; pa atros usos, vaiga a Abella (desambigación)

Abella ye un despoblato medieval de l'actual provincia de Teruel que no se'n conoix la suya localización exacta, pero que debió estar por los termins d'Aliaga, Castellot u las suyas redoladas.

Abella
Despoblau d'Aragón
Entidat  • País  • Provincia  • Comarca  • Municipio	Despoblau  Aragón  Teruel Comunidat de Teruel Galv
Partiu chudicial	Teruel
Población  • Total	0 hab.
Parroquial  • Diocesi  • Arcipestrau	Teruel y Albarracín Teruel
Coordenadas	40°37’27’’N 0°50’12’’U
Abella Abella en Aragón

Cheografía, toponimia y identificación

Lo toponimo "Abella" estió recurrent en la Corona d'Aragón. Bi ha habiu diferents nuclios de población con este nombre y a diferents escalas (masadas, aldeyas, lugars, ecetra). En bel caso pueden remontar-se a l'antroponimo d'un propietario, y no necesariament a lo insecto productor de miel. D'alcuerdo con l'analís lochico de los textos medievals en latín en lo sud y sudeste d'Aragón bi ha habiu diferents "Abellas", por eixemplo bi n'habió una en la redolada d'Albentosa que s'especula que podió estar l'actual "Abejuela".

Bi ha una curiosa mención a un toponimo Abella en 1194, cuan Alifonso II lo Casto cede Villar Luengo a la Orden de lo Hespital de lo Santo Redentor pa que lo pueble y nombra "Olocau". Talment no corresponda a l'Abella que bi heba amán d'Aliaga, lo mesmo que la mención d'Atorela no guarda relación con l'Atorella d'amán de Mosqueruela.

Sie coneguda cosa a tots, com io en Anffons, per gracia de Deu, rey d'Aragó, comte de Barcelona e marches de Provinça, vuyl e man e do e atorch per amor de Deu e per la mia anima e dels meus, un loch desert nomenat Vilar Lonch a honor de Deu e de Sent Redemptor a tu frare Gasco. E do termens a Vilarchonch per poblar Abela de Olocau sus la torre de la Cuba, la Cugulata, los pinos de Atorela [la Torreta?] axi com aquella serra Tayllada e ix a aquel Castel de Cit, la Canada de Benadanduz dins stant ab sos termens e de Pitarp ença, en Noxet dins estan e hix a Font de Penela del bado de Axulp e hix a Turrella e al tornar entro que torna a Abella

Respecto a l'Abella d'amán d'Aliaga Antonio Ubieto Arteta en tien conoixencia d'una mención en 1118 como Apelia (latinizada) y d'atra en 1164 como Abella (con fonetica aragonesa). D'alcuerdo con un texto de 1197 de l'AHN mencionau por Antonio Ubieto Arteta debeba estar entre los termins de Castellot, Bordón u Saganta. Una hipotesi recient localiza l'Abella de los documentos relativos a Aliaga en una zona de lo termin de Galv a on trobamos uns cuantos toponimos actuals con Abeja: Abeja, Camino de la Abeja, Cañabeja/Caña Abeja, Paso de la Abeja, Umbría Abeja, Mas de la Abeja, Cabezo de la Abeja, Canto de la Red de la Abeja (este amán d'Aguilar d'Alfambra).

Historia

Bi ha un documento de 1163 en lo que Sancho de Tarazona dona a la Orden de lo Hespital lo castiello y villa d'Aliaga y tamién:

et Vidare et Abella, et Xiar, Sancta et Sanctella, et les coves del Rocin et Campos et totam ereditatem ab integro quam abeo in Exeia

En 1118 Alifonso I lo Batallero dió Abella entre atros lugars a Lop Juans de Tarazona.

Dependió de la comanda de lo Hespital de Calatayú.

Lugars desapareixius de lo municipio d'Aliaga
Abella

Lugars desapareixius de lo municipio de Castellot
Abella

Lugars desapareixius de lo municipio de Galv
Abella