A parabra '''tecnolochía''' data d'o [[sieglo XVIII]], quan a [[tecnica]], historicaménhistoricament empirica, empezipia a binclar-se con a [[zenzia]] y s'empezipian a sistematizar os [[metodos de produzión]]. A tecnolochía surte quan s'enfocan determinatos problemas tecnicos sozials con una conzezión zentifica y dintro d'una zierta bastida economica y soziocultural; ye intimamén binclada con a zenzia y a complementariedat entre as dos se incrementa cada begada más. A tecnolochía emplega o [[metodo zentifico]], comprende o saber sistematizato y en o suyo aizionar se manulla tanto a ran prautico como conzeutual, ye dizir, que abraca lo fer y a suya reflesión teorica. A tecnolochía ye o conchunto ordenato de [[conoximiento]]s y os correspondiens enantos que tienen como obchetibo la produzión de cabals y serbizios, abendo en cuenta la tecnica, a zenzia y os aspeutos economicos, sozials y culturals embrecatos. L'alcanze d'o termin se estendilla a los produtos resultans d'ixos enantos que deben responder a nezesidaz u deseyos d'a soziedat y tener como preposito contrebuyir a amillorar a calidá de bida. Quan a tecnolochía busca una soluzión a los problemas que se planteyan en a soziedá, lo fa relazionando a tecnica (os suyos conoximientos, trastes y capazidat imbentiba), con a zenzia (o campo d'os conoximientos zentificos) y con o tarabidau economico y soziocultural d'o meyo (as relazions sozials, as formas organizatibas, os modos de produzión, os aspeutos economicos, a bastida cultural, entre atros aspeutos). Resumindo, se puede dizir que la zenzia ye ligada a lo deseyo de l'ombre de conoxer, mientres que la tecnica y a tecnolochía lo son a la boluntat de l'ombre de fer, ta satisfer os suyos deseyos y nezesidaz.
