Diferencia entre revisiones de «Aśoka»

En os zaguers anyos d'o reinato d'Ashoka ya hi heba un descontento en o pueblo, prencipalment por a [[corrupción]] d'os muitismos funcionarios que formaban un rete almenistrativo interminable y centralizato en a cort de Pataliputra. Tamién podeba influir cierto descontento de bellas confesions relichiosas por o refirme oficial a lo budismo. En o inte d'a muerte d'o emperador os enemigos d'os Maurya canalizoron o descontento pa esclatar os primers chitos de rebeldía. Dimpués d'a muerte d'Ashoka o imperio d'esboldregó. Taxila e Punchab s'independizoron, encara que gobernatos por dos fillos d'Ashoka. As provincias meridinals (actuals [[Kerala]] ey [[Tamil Nadu]]) s'independizoron encara que yeran mayoritariament budistas. Os territorios d'o norte cayoron en mans d'invasors [[indogriegos]], [[sakas]] u [[partos]]. As quaranta y cinco anyatas entre a muerte d'Ashoka y a desaparición definitiva d'a dinastía Maurya bi ha un gobierno de descendients d'Ashoka en linia dreita que no n'heban heredato ni o carisma ni o favor popular.