Diferencia entre revisiones de «Saqués»

'''Saqués''' ye un lugar, hue albandonato, situato en o municipio de [[Biescas]], en l'[[Alto Galligo]]. Se troba entre a carretera A-136 e o entibo de [[Bubal]] en a [[bal de Tena]].

 

 

Antis de que estase albandonato, as autibidaz prenzipals en Saqués yeran l'[[agricultura]], a [[ganadería]], o [[comerzio]] e o [[torismo]]. A comunicazión con a resta de lugars d'a bal yera asabelo buena grazias a la carretera que pasaba por a parti baixa a on bi eba d'os puents dobre o Gorgol. Por iste feito yera un zentro lochistico aintro d'a bal. Asinas a botiga de Saqués yera o puesto dende on se destribuyiban os produtos ta la resta de localidaz d'a redolada como [[Oz de Tena|Oz]], Piedrafita, Tramacastiella e Búbal. Ya en os [[decada de 1960|años 1960]] bi eba tres camions en Saqués que s'encargaban de destribuyir as mercanzías por istos lugars. D'atra mán o torismo tamién prenzipiaba a estar una autibidat important en a poblazión como contrimuestra l'Otel ''Valle de Tena'', un d'os primers otels d'a bal.

O lugar yera formato por o nuclio prenzipal e a '''pardina de L'Artosa''', (en aragonés "puesto con [[arto]]s"), a bels 300 metros a on desembocaba o [[barranco de Gorgol]] en o [[río Galligo|Galligo]] e hue baixo as auguas d'o entibo.

 

 

D'antis más tamién esistiba un terzer nuclio de poblazión amán de Saqués, '''Estarluenga''', chicota poblazión situata a o canto d'o barranco de Gorgol en a zona conoxita como Calberas. Dizen que a mayor parti d'a suya poblazión morió por a [[peste negra]] eszeuto dos abitants, uno que se'n fué ta Piedrafita e atro ta Saqués, dibidiendo-sen os terrenos d'o lugar entre istas dos poblazions, encluyito lo bosque d'[[O Betato]].