Collau de la Foradada

Plantilla:Puerto Montaña El collau de La Foradada u puerto de La Foradada é un puerto de montanya d'Aragón que se troba fend la muga d'entre las comarcas de la Ribagorza pe'l costau oriental y el Sobrarbe per l'occidental, todas dos en la provincia de Uesca.

Cheografía

Fa 1020 metros d'altaria, y se troba de'l tot comprendíu en el municipio ribagorzano de La Foradada d'el Toscar, per bien que pe'l costau sobrarbenco tamé fa parte d'este municipio els llugars de La Cort y Las Cortz, administrativament parlando, y por tanto son de la Ribagorza, anque se troban en la baixant que mira ta La Fueva y fisicament serían a dintro de la dita subcomarca sobrarbenca.

Pe'l norte, el limita la punta Ferrera (1827 m) que ye de la serra Ferrera, y pe'l sud, l'altura d'El Campanué (1548 m) que é de la serra de Santa Llestra. Pe'l puerto, s'arriba a'l punto más alto a pocos metros d'el llugar de La Foradada, que por poco se troba ya en la baixant que se'n va ya cara ta l'Esera.

Comunicacions

Actualment, el recorre la carretera nacional N-260 en el suyo segmento d'entre L'Aínsa y Campo. La puyada pe'l costau d'el Sobrarbe comienza en Sant Per d'el Toledo de La Nata y se prellonga más de 4 kilometros. Pe'l costau ribagorzano, la baixada é más curta, pero con más desnivel, y d'els mil vente metros se pasa a's seicientos y pocos que i ha en Campo en menos de 4 km, lo que fa un desnivel alredor d'el 10%.

Se veiga tamién

• Sierra d'El Campanué
• La Fueva
• Sierra Ferrera

Enrastres externos

• Se veigan as imáchens de Commons sobre Collau de La Foradada.