Diferencia entre revisiones de «A Fueva»

A Fueva se comunica con a val de l'Esera por tres pasos transmontans. En o tercio norte, o [[collau ded'A Foradada]] fa de paso natural y tradicional d'entre o sector más nortenco d'A Fueva (dito «[[Baixo Penyas]]») y a val de l'Esera, comunicando as [[aldeyas]] y lugarichons que enantes s'heba conoixidos como [[Toledo d'A Nata]] con a ribagorzana [[tierra de Campo]] á traviés d'os monts de Foradada. Por a baixant sud d'o «tozal de Fuent de Campo» tamién enfila un caminet, anque de peyor transitar, que esnaviesa o sarrato cara ta Foradada tamién, dimpués de pasar por [[Ranyín]] y por [[O Lumo de Ranyín]], en dindo-se-ne no guaire luent d'á on que remata lo paso d'o Collau de Foradada, á tamas d'a diferencia en kilometros d'os puestos á on que se pillan os camins en a versant fovana. O tercer paso y lo solo que existe en a metat meridional que pase directament t'a Ribagorza sin pasar por a val d'a Cinca ye lo camín de [[Formigals]] y de [[Troncedo]], posiblement o motivo ta existir-ie lo formidable castiello (en Troncedo), pus a localidat el domina dende un promontorio. Iste zaguer camín conduce t'a [[villa]] de [[Graus]] que, mal que a orografía fese a traviesa bien dura dica que i existioron carreteras, se troba á menos de 10 km d'iste extremo meridional d'A Fueva.