Diferencia entre revisiones de «Bohemia»

[[Imachen:CZ-cleneni-Cechy-wl.png|thumb|right|Bohemia ''(verde)'' en relación con as atras rechions d'a [[Republica Checa]].]]

'''Bohemia''' ye una rechión d'[[Europa Central]] que chunto con [[Moravia]] y a [[Silesia Checa]] fa part d'a [[Republica Checa]]. A suya [[superficie]] ye de 52.063 km2. Ye rodeyata por montanyas por o surueste ([[Cordelera de Sumava]] y [[Cesky Les]]), por o norueste ([[Monts Metalicos]] u [[Krusne Hory]]) y a lo noreste ([[Krkonose]] u [[Monts Chigants]]), montanyas totas dende on baixan ríos que confluyen en a [[río Elba|Elba]]. Bohemia ye una unidat hidrografica y corresponde a la cuenca alta d'a Elba y dende o punto de vista cheolochico sería una [[plataforma (cheolochía estructural)|plataforma]] y o relieve ye ondulato de fueras d'en as marguins. A vechetación forestal se conserva en as arias perifericas montanyosas, en o centro predominan os cautivos. Dica un pasato recient en Bohemia bi heba una important actividat menera. Bohemia ye una rechión muito industrializata. Bohemia prene nombre dos [[boyos]], conchunto de pueblos [[celtas]] centroeuropeus que fuoron desplazatos por os pueblos chermanicos, que dimpués fuoron sustituitos por os [[eslavos]]. Os eslavos [[checos]] creyoron o [[Reino de Bohemia]] en a [[Edat Meya]], que fizo part d'o [[Sacro Imperio Romano-Chermanico]]. A población actual de Bohemia ye en a suya mayoría checa con una minoría d'inmigrants [[eslovacos]]. As minorías [[askenazi]] y [[alemans|alemana]] fuoron importants enantes d'a primera guerra mundial.

 

[[Categoría:Cheografía de Chequia]]