Diferencia entre revisiones de «Cronica de Sant Chuan d'a Penya»

sin resumen de edición
m
O texto nos lo han trasmeso en tres manuscritos. Dos se'n troban a la Biblioteca d'[[Monesterio d'o Escorial|o Escorial]]. O primer (con a signatura L-II.13) ye d'as acabanzas d'o [[sieglo XIV]]. En bi ha un altro d'enta [[1470]] (sign. N-I-13) que bi encorpora adicions de Martín de Larraya d'o [[sieglo XVI]]. O zaguer, disponible en [http://www.cervantesvirtual.com/servlet/SirveObras/bne/12937401998072638532624/index.htm edición dichital facsímil], data d'o sieglo XVI y se troba a la [[Biblioteca Nacional d'Espanya]] (ms. 2078).
 
As fuents d'a ''Cronica de San Chuan d'a Penya'' se troban en una antiga cronica d'o monesterio homonimo que conteneba cronolochías y afers chenealochicos y li proporciona información de valura sobre es antigos [[Condau d'Aragón|contes aragoneses]] y os primers [[Reino de Pamplona|reis de Pamplona]]. T'as calendatas posteriors a la unión dinastica entre [[Peironella d'Aragón]] y [[Remón Berenguer IV de Barcelona|Remón Berenguer IV]] se fizon servir a ''Cronica d'os Estatos Peninsulars'' (dita tamién ''Cronica nabarro-aragonesa'' u ''Cronica de 1305''), y la ''Gesta Comitum Barchinonensium'', amés d'a important obra latina de [[Rodrigo Ximénez de Rada]], ''De rebus Hispaniae'', fuen egualmén prinzipal t'a ''Estoria d'Espanya'' d'[[Alifonso X de Castiella]].
 
Se tracta d'un d'os textos més relevans t'a historia d'a [[Corona d'Aragón]]. Ha una gran importancia lo feito que repleque prosificacions de cantas de chesta, d'entre as qualas descolla la d'a [[Campana de Uesca]]. Ye amés d'interés como fuent documentadera ta datos relacionatos con o [[monesterio de Sant Chuan d'a Penya]]. A cronica remata con a muerte d'[[Alifonso IV d'Aragón]] en [[1336]].
142 556

ediciones