Diferencia entre revisiones de «Sarmatas»

Os '''sarmatas''' son un conchunto de pueblos [[pueblos iranios|iranios]] d'as [[estepas euroasiaticas]] que en o sieglo V a.C habitaban en as cuencas baixas d'os ríos [[Volga]] y [[río Ural|Ural]], pa dimpués en o sieglo IV a.C cruzar o [[río Don|Don]], empentar a los [[scitas]] y ixemenar-se sieglos dimpués por as estepas a lo norte d'o [[Caucas]] y d'a [[Mar Negra]] plegando dica a [[Cuenca Panonica]]. Amplos territorios d'[[Europa Oriental]] fuoron denominatos por os autors clasicos como "[[Sarmacia]]" y en tan gran aria os sarmatas se dividioron en diferents agrupacions conoixitas como [[aorsos]], [[siraces]], [[alans]], [[roxolans]], [[chazigues]] y atras agrupacions menors como os [[ardagarants]] u os [[taifals]]. Os pueblos sarmatas estioron uns d'os principals pueblos d'as estepas d'[[Europa Oriental]] y Centro-Oriental dica a invasión d'os [[hunnos]], invasión que fue seguita por atras invasions de [[pueblos d'as estepas]] d'orichen turqués y que empentó t'o [[Imperio Román]] a los pocos sarmatas no sozmesos. Os sarmatas alans d'o sud d'Ucraína debioron ser asimilatos por os [[bulgaros (pueblo nomada)|protobulgaros]] y atros pueblos d'as estepas. Os sarmatas [[alans]] que quedoron a lo norte d'o Caucas encara estioron un pueblo con cierta importancia en a [[Edat Meya]] y esdevinioron os [[osetas]] actuals.

 

En a obra de [[Chuan Ferrández d'Heredia]] son denominatos como ''sarmats'' ("[[Historia Romana]]") u ''sarmanitas'' ("[[Cronica de los Conquiridors]]").

 

 

{{cita|Entretanto [[Valent]] fué bateado por Eudoxio(i) bispe de la heretgia arriana et cayó en aquella heretgia [de los '''[[arrianismo|arians]]'''] et esforcandose de [[persecución relichiosa|perseguir]] los christianos fué retraydo por actoridat del hermano. En aquella tempestat [[Athanaric]] rey de los '''[[Godos|Gots]]''' persiguió los christianos mucho cruelment et los promovió aver corona de martiria. [[Valentinián]] oprimé la gent de los [[Saxons]], la qual habitava en riĤbera et en [[paúl de costa|poludes]] de la mar occeano (fué gent terrible de la virtut et sagería, la qual gastava los encontradas Romanas), et más de .LXXX.M. '''[[Burgundios|Burgunyóns]]''' Armals, los quales se assentaron en ribera de [[río Rhin|Reno]] fluvio, los quales aprés poco de tiempo fueron factos christianos. Entretanto [[Valent]] en [[Bretanya]] antes que esvesís tiranía fué oprimido. Et [[Valentinián]] en el .VI. anyo del su Imperio, con los '''Sarmats''' corriesen por [[Pannonia]] et la gastasen, aparellando batalla contra ellos, dementre /f. 67v/ envés [[Brigacion]] ciudat de los [[Squados]] respusiés a una legación, en el anyo de la suya hedat .LV. por sobsa efusión de sangre los quales los [[Griegos]] claman apoplexía, perdida la paraula más en todo su seso, murió. La qual cosa segunt que algunos dixieron se esdevino por la intemperancia et excesiva saturitat [de viandas]. Et fué excellent emperador, ab cara convinient, prudent et en engenio asseýdo et greve et pesant en el corage et en costumbres, ornado bien de bella perlaría, ya se que fués mucho amesurado de parlar.}}

 

== Bibliografía ==