Diferencia entre revisiones de «Albeitería»

A mayor parti d'os albéitars s'adedican a la practica privata. Muitos d'ells tractan a tot tipo d'animals, pero en os zaguers anyos muitos han limitato a suya practica a o tractamiento d'[[mascota|animals de companyía]]. Beluns s'han especializato en o tractamiento de bellas poblacions, como las de [[caballo]]s, [[aus]] de corral u os animals d'os [[zoolochico]]s. Atros s'han especializato en bells problemas medicos d'os animals; istos especialistas son [[oftalmolochía|oftalmologos]], [[dermatolochía|dermatologos]], [[radiolochía|radiologos]] y patologos albéitars. Muitos d'ells son miembros de facultatz d'institucions educativas, que a masamás d'impartir amostranza reyalizan tamién investigacions. As [[industria farmaceutica|industrias]] que elaboran farmacos ta as personas y os animals dan treballo a un gran numero d'albéitars. Un numero reducito, encara que cada vegata mas gran, d'albéitars treballan como chestors de grans granchas de cría de bovín ta carne, de centros de producción de leit y de muitas d'as grans granchas avicolas. Tamién bi ha un numero reducito d'albéitars que prencipian a embrecar-sen en a transferencia d'[[embrión|embrions]] en o bestiar bovín, d'a que se quitan os ovulos fecundatos de donants superiors ta transferir-los a l'utero de vacas de calidat chenetica inferior.

L'albeitería moderna ye hue a o mesmo ran que a [[medecina]], y se fan servir metodos d'investigación parellans. Muitas d'as clinicas privatas ta animals que han apareixito tienen dos u mas albéitars entre o suyo personal, y as mas grans por un regular disposan d'especialistas en determinatos animals. A requesta d'inspección alimentaria por parti d'albéitars va en aumento, mas que mas en o caso d'a carne, a leit y os alimentos procesatos, asinas como la de regulación d'o trafico de qualsiquier tipo d'animals y a eliminación d'as plagas que les afectan. A mas, l'apilotamiento cada vegata major de muitos animals de grancha requiere expertos albéitars en os campos d'a [[vacuna|vacunación]]ción, a [[immunolochía|immunización]] y metodos especials d'[[hichiene]].