Tozal de Charo

Tozal de Charo
O tozal de Charo dende os arredols de Moriello de Monclús.
Situación
Situación
Latitut	42º 23' 23" N
Lonchitut	0° 15′ 75" E
Vértiz cheodesico	/0.pdf
Cheografía
Cordelera	Perineus
Sierra
Macizo
Altaria	994 m
Primera puyada
Ruta mas fácil
Mapa

O tozal de Charo ye un tozal en o centro-norte d'A Fueva, aproximadament a 3 kilometros en nort-este de a cabecera d'a subcomarca, que ye Tierrantona. Prene o suyo nombre de o lugar de Charo, que se troba en as suyas garras en a baixant este.

En chunto con o sarratón que o une con a sierra de Muro de Roda, forma una divisoria relativa d'entre A Fueva d'o sud, con Tierrantona de cabecera, que ixo ye a compleguera u cuenca d'o barranco d'A Usía, y a compleguera d'o río d'A Nata en norte, con territorios que en a redolada encara reciben a denominación popular colectiva basada en os dos antigos municipios que os aglutinón; Fosau y Toledo d'A Nata.

Por l'este d'o tozal, menos altero y sin as selvas que tiene o costau ueste, no existe una divisoria evident d'entre a cuenca d'a Usía y d'A Nata, anque o terreno se trobe más elevau que no en as fondonadas a costau y costau (como si un discreto portichón fese). Isto ye o que fa que tanto la una como l'altra complegueras reciban o nombre popular conchunto de «A Fueva», sin que se'n suelga fer garra más distinción.

A redol de o tozal u directament en as suyas garras, nombraus en sentido horario dende as 12h, se troban os siguients nuclios de población y despoblaus: O Pocino de Charo, Charo, Aluchán, O Plano y O Pamporciello (quasi chuntos), Susiaz, A Plana y O Sotero.

Se veiga tamién

Belaltros accidents topograficos en A Fueva:

• Sierra de Muro de Roda
• Tozal de Trillo
• Sierra de l'Entremont
• Sierra d'Arro
• Sierra de Campanué
• Sierra Ferrera