A parola uniberso define cuasi siempre o tot. Manimenos, una definizión alternatiba d'uniberso diz que bi ha dibersos unibersos no coneutatos entre si e que o conchunto d'istos formarban a totalidat d'a esistenzia, que se dezirba [[multiuniberso]]. Por eixemplo, a tioría d'a [[bombolla unibersal]] diz que bi ha infinitas bariedaz d'unibersos, cadagún con diferents constants fesicas.
A lo largo d'a istoriahistoria, s'han proposato dibersas cosmolochías, fruito d'a oserbazión de l'uniberso. A primera biene de l'antiga Grezia, que proposaba que l'uniberso poseyeba infinitos espazios e que ha esistito eternament, e que contiene un unico conchunto d'esferas conzentricas de mida finita -correspondendo a las estrelas fixas, o Sol, e planetas cuantos- chirando arredol d'una esferica, pero inmobil, planeta Tierra. A lo largo d'os sieglos, oserbazions más prezisas e tiorías milloratas d'a grabedat dioron orichen a la tioría de [[Nicolau Copernico|Copernico]], o modelo eliozentrico e a lo modelo Newtoniano d'o [[sistema solar]]. Nuebas imbestigazions en astronomía han lebato a la carauterizazión d'a [[Carerra de San Chaime]], e a lo descubrimiento d'atras [[galacsia]]s. O estudeyo d'a distribuzión d'istas galacsias e as suyas linias espeutrals ha significato muito ta la cosmolochía moderna.
