Diferencia entre revisiones de «Los Puertos de Moriella»

Historicamén ha tenido influenzia aragonesa y os ligallos con l'altiplano de Teruel y o Baixo Aragón encara se manteneban en o [[sieglo XX]]. Esiste un [[danze]], como enantes en muitos lugars d'Aragón, y una tendenzia a emigrar tanto ta a costa mediterrania como ta o Matarraña u ta la cuenca baixa d'o río Guadalop, on son conoxitos como ''Els de la Serra'', ''Pastors'', ''Los de la Sierra''. Muita chen d'[[Alcañiz]], [[Calanda]], [[Mas de las Matas]] u [[Bal de Robres]] ye filla u nieta de chen que emigró en masa de lugars d'esta comarca y han feito fortuna.

 

A zona estió poco poblata en a [[Edat Meya]], pero teneba impotanzia estratechica pa os [[Islam|musulmans]], que yeran bien establitos en las tierras planas de Lebant y d'a [[Bal de l'Ebro]]. Los Puertos de Moriella yeran importans pa a comunicazión entre los moros de [[Zaragoza]] e [[Valencia]], y por ixo [[Alifonso I lo Batallero]] a prenió en [[1117]], con l'aduya de [[Gastón IV de Biarn]]. A capital de l'Ebro yera aislata de [[Valencia]], o suyo prenzipal apoyo, con a ruta de Los Puertos u ''Al Burt'' bloqueyata, y preparata pa estar presa l'año binient.