Diferencia entre revisiones de «Caracalpacos»

Dentro d'as luengas turquesas d'a branca quipchak a luenga d'os caracalpacos ye més pareixita a lo [[idioma nogai|nogai]] e a lo [[idioma cazaco|cazaco]]. A suya forma escrita se basa en o dialeuto nororiental e no se desembolicó dica os años 20 d'o sieglo XX. S'escribiba en alfabeto latín dica 1928, dende 1938 fan serbir o zirilico, a causa d'a politica linguistica sobietica que beyó un periglo que os pueblos turqueses d'a ex URSS fesen serbir o mesmo alfabeto que en a Turquía kemalista. O suyo etnonimo significa "os gorros negros".

 

Son menzionatos por primera begata en Asia Zentral a fins d'o sieglo XVII. Caracalpaquistán fue ocupato por o [[Imperio Ruso]] en 1873. En 1925 os sobieticos proclamoron a ''Oblast'' ("rechión") autonoma de Caracalpac, dentro d'a Republica [[Sozialista Sobietica Autonoma de Cazaquistán]], que a més feba parte d'a [[Republica Federatiba Sozialista Sobietica Rusa]]. Esdebinió republica autonoma en 1932, pero en 1936 fue adibita a Uzbequistán.