Diferencia entre revisiones de «Arabes»

As poblazions arabes orichinals pertenexeban a diferents brancas lingüisticas d'a familia semitica. A prenzipios d'o periodo islamico encomenzó a imposar-se l'arabe d'os beduins d'o desierto, que yera a luenga de l'[[Alcorán]]. Os atros idiomas semiticos d'Arabia encomenzoron a reblar, sobrebibindo-ne beluns en o sud y en camín de desapareixer. L'arabe clasico ye a luenga relichiosa de més de 750 millons de musulmans

 

En l'antiguidat os arabes yeran restrinchitos a la peninsula arabica, encara que como resultato d'una dinamica común en pueblos d'os desiertos y estepas, bellas tribus podeban emigrar a la periferia d'o desierto, fuera d'Arabia e mezclar-se con as poblazions locals. Os nabateus son consideratos arabes por bellas fuents. Os arabes yeran asimilatos por as poblazions locals arameuparlants de Siria e Mesopotamia. En a muga entre o Imperio Bizantín e o Imperio Persa Sasanida bi eba tribus arabes como etnias-tampón pa defender as mugas d'os dos imperios.