Diferencia entre revisiones de «Val d'Acumuer»

A '''val d'Acumuer''' u '''val de l'Aurín''' ye una [[balval]] [[Perineus|perinenca]] d'[[Aragón]] formata por o [[río Aurín]] y situata en a [[Comarcas d'Aragón|comarca]] [[provincia de Uesca|uescana]] de l'[[Alto Galligo]], en o [[municipio]] de [[Samianigo]].

Cheograficament muga con o [[Sobremont]] por l'este, a o sud con a [[Val Ancha]], a l'ueste con a [[Garcipollera]] y a o norte con a [[sierra d'a Partaqua]], estando a [[penya Retona]] (2.764 m), o punto más alto d'ista sierra y tamién a tuca más [[Altaria|alta]] d'a val. D'antis más se dividiba o puerto d'Acumuer en as partidas de ''Plan d'Igués'', ''Espedregueras'', ''Cubilar Nuevo'', ''A Canal'', Canales'', ''La Raya'' u ''Lera de Sede'' y ''Bucuesa''.

A cabecera d'a val ye protechita, estando un puesto d'importancia comunitaria conoixito como as [[Turberas d'Acumuer]], con una [[superficie]] de 13 [[hectaria]]s. A val remata en a [[punta Escarra]] (triple muga entre os municipios de Samianigo, [[Sallent de Galligo|Sallent]] y [[Canfranc]]) chunto a o [[ibón de Bucuesa]], naixedero d'o río Aurín. A más 91 hectarias[[hectaria]]s d'a ribera de l'Aurín tamién se troban protechitas como puesto d'importancia comunitaria, con [[selva]]s de [[pin]]s, [[fabar]]s y [[caixicar]]s prou bien conservatos.