Diferencia entre revisiones de «Murviedro»

'''Murbiedro''' u '''Sagunto''' (''Sagunt'' actualment en [[idioma catalán|catalán]] ey historicament ''Morvedre''; ''Sagunto'' actualment en [[idioma castellán|castellán]] ey historicament ''Murviedro'') ye un municipio de la [[provincia de Valencia]], situato en la [[comarcas d'o País Balenzián|comarca]] de lo [[Campo de Murbiedro]]. La suya población ye de 62.702 habitants([[2006]]), en una superficie de 132 km² con una [[densidat de población]] de 475,02 hab/km².

Estió fundato en l'añada [[219 aC]]. Ya se parla de la ziudat de ''Sagunto'' en bels textos de la [[literatura clasica]], relazionando-la con cosas que pasoron en la [[Segunda Guerra Punica]]. Esta ziudat [[ibers|ibero]]-[[edetans|edetana]] yera conoxita como ''Arse'' pero con lo tiempo esdebendría la ziudat ispanorromana de ''SAGUNTUM''. La istoria de Sagunto como ziudat portuaria ye muito estensa, ya en lo [[sieglo III aC]] (n'ixa epoca una ziudat d'orichen [[Grezia|griego]] ey aliata de [[Roma]]) yera un punto estratechico en lo comerzio por la [[mar Mediterrania]]. Ya en ixa epoca comerzians de Sagunto bibiban istalatos a man de lo Puerto (fuera de la ziudat amurallata), pa fer prosteros lurs comerzios a costa de los mariners que plegaban ta Sagunto. Este puerto antigo ye l'actual bico dito ''Grau Vell''.

Lo cheneral [[Aníbal]] setió la ziudat ibero-edetana d'Arse en l'año [[219 aC]] por la suya situación estratechica. Lo setio duró meses, ey los abitadors d'Arse basoron lur estratechia en que Aníbal no podería atrabesar las grans murallas arredol la ziudat en poco tiempo. Encara que la chent de las redoladas a man d'Arse no los aduyoron, podioron resistir los ataques [[Cartago|cartachineses]]. La situación se fazió insostenible dimpués que los [[Republica Romana|romans]]

se negasen a nimbiar aduya. La ziudat desmoralizata podió resistir bels meses més, debant un exerzito més gran en lumero ey en recursos.

En a epoca de [[Al-Andalus|dominio musulmán]] la decadenzia de l'antiga ziudat [[Antiga Roma|romana]] yera gran, fendo-se més gran [[Valencia]]. N'esta epoca ya no se diziba ''Sagunto'' ey s'emplegaba ''Morbyter'' ey bariants. O toponimo ''SAGUNTUM'' probablement perbibió en o nombre d'a comarca ''[[Bal de Segón]]''. ''Morbyter'' bien de lo [[latín]] ''MURI VETERES'' que quier dizir ''muros viellos''. Los [[Aragón|aragoneses]] adautoron este toponimo [[idioma mozarabe|mozarabe]] como ''Murviedro'' ey los [[Catalunya|catalans]] lo adautoron como ''Morvedre''.

En [[1868]], lo nuebo [[Sexenio Democratico|Gobierno Provisional]] modificó lo nombre de la ziudat, dita ''Murviedro'' dende feba més de diez sieglos, por l'antigo nombre román de ''Sagunto'', seguindo los canons romanticos ey clasizistas de la epoca: ''se restituyó a Murviedro el glorioso nombre de Sagunto''.