Diferencia entre revisiones de «Tinenza»

Los ''TENENTES'' plural de lo latin ''TENENS'', a qui la documentazión clama tamién a sobent como ''SENIORES'' u ''TENENTES LOCUM'', e no tan a sobent ''PRESIDENTES'', ''MANDANTES'', ''POTESTADES'', ''DOMINANTES'' u ''DOMINATORES'', preboron de fer que lurs onors estasen ereditarias, d'una traa que no ye estranio que dica cuanquan s'acotoló la linia masculina u en las minorías d'edat, las mullers exerzan una u bellas tinenzas a la begata. Como s'ha demostrato, en reyalidat los tenients de lo sieglo XI e primera mitat de lo sieglo XII daron orichen a lo naximiento de la primera nobleza aragonesa. L'orichen nazional de los tenients que i eba en aragonés podeba estar muito diberso. N'Aragón i eba tenients gascons, lenguadozians, nabarros, catalans, etz..y en atras tierras podeba aber-ie nobles aragoneses en estituzions equibalents como la ''[[beguería]]'' catalana.

La lista de nomes de tenients ye interminable, pero lo suyo estudeyo ha permeso recostruir arbols chenealochicos que a trabiés de los dos sieglos de bichenzia de la estituzión, cuanquan se formó la primera nobleza de lo reino, mos leban a la epoca de Chaime I lo conqueridor, en meyo de lo sieglo XIII. De lo sistema de tinenzas amanixioron los Galíndez, [[Familia Luna|Luna]], [[Ximénez d'Urreya]], [[Cornel]], Fortuñons, Lizana, Azagra, Eril, Azlor, Bardaxí, Calasanz, entre atros. La suya importanzia politica, encara que de trazas parzials, ha estato estudiata d'alto u baxo a trabiés de la documentazión que bi n'ha. Queda por saper, en la mayor parte de los casos, lo poder reyal d'estas familias, l'acumulazión de biens, por un regular en forma de tierras, lo que permetiría configurar lo inizio u antezedents de los siñoríos aragoneses d'orichen nobiliario.-->